#香港都市傳說 #香港鬼故 #香港02 #西貢 #結界 #麥理浩徑 #丁利華 #失蹤 事件發生於2005年, 至今仍為很多人所討論, 這就是丁利華失蹤的事件。根據統計數字,香港每年大約每年有8000人失蹤, 但眾多失蹤的事件中, 丁利華的失蹤事件可謂最詭異離奇。 2005年9月11日,中區反黑組休班探員丁利華獨自到西貢大蚊山行山, 當日中午,警方999報案中心收到以下令人完全摸不著頭腦的報案電話,電話對話內容如下: 接線生: 999 丁 : 我係行山架, 係西貢 586… 接線生: 咩事呀 丁 : 我行山, 迷途呀 接線生: 你迷途呀? 咁你係邊呀 丁 : 我而家位置 48 (停頓一會) 7020 接線生: 487020 呀? 係咪標柜柱? 丁 : 係, 係果個咩柱呀 接線生: 487020 呀嗎? 你慢慢講, 係乜野地方? 丁 : 等等…. (相隔 20秒) 接線生: 喂, 丁 : 等等 (相隔 30秒) 接線生: 你係咪行麥理浩徑呀 丁 : 係.西貢個頭黎架 接線生: 你係咪行麥理浩徑呀 丁 : 係., 冇錯 接線生: 你行緊邊一段 丁: 西貢個邊, 西貢東 接線生: 西貢東, 西貢o既東面, 由邊度出發 丁 : 由西貢北潭涌, 行左兩個幾鐘頭, 但係蕩失路, 而家企左係過左 58.., 5870 o既主要o既路 接線生: 5870 幾? 頭先你又話係 487020 丁 : 仲差少少咋 接線生: 有冇見到 M幾多, M 幾多, 你見唔見到呀 丁 : 仲差少少路程 (相隔 30秒) 接線生: 你見唔見到 M001呀, M011, M030呀 丁: 你等陣先 (相隔 20秒, 很多雜音) 丁 : 睇唔到呀! 接線生: 你淨係見到個 number, 咁個 number (487020) 刻係邊度呀? 丁 : 唔係d 柱, 係密碼, 接線生: 乜野密碼 丁: 可能我讀錯密碼啦 (接收不良, 很多雜音) 接線生: 咁你仲係咪行麥理浩徑, 先生,你唔好行去個邊呀, 收得好差, 你唔好再行, 喂,喂, 你停係到, 我要問你問題 丁 : 你快d啦, 個 number 係………. 接線生: 你停係到, 你有冇扭親腳 丁 : 頂唔順呀 接線生: 你停係到, 你有冇扭親腳 接線生: 你幾多人係到 丁 : 我一個人 接線生: 要唔要救護車 丁 : 要 接線生: 你係唔係要救護車 (接線生接駁至救護車), 然後接線生與救護員通話及救護員問位置, 隔20秒) 丁 : 救命呀 (相隔5秒) 救命呀 救護員: 你要話比我聽你係邊 丁 : 最慘我唔記得條路 接線生: 先生呀, 喂 喂 喂 丁 : 救命呀 (相隔3秒) 救命呀 (已經再沒有丁的對話) (接線生解釋收到電話後的情況給救護員知道, 救護員覆一次丁的手提電話號碼便收線) 接線生: 先生呀, 喂 喂 喂 (斷線) 相信大家都不難在網上找到這段對話內容,甚至是youtube 錄音片段 。有曾經參與搜索的人士表示, 他們在參與搜索的時候,都聽過真實的999報案對話,他們證實以上內容都是絕對真實的, 只不過那個youtube的對話就是一個模擬錄音,而不原本本人的對話 , 在語氣上與真實版本亦有所不同。 在丁探員失蹤第二天,警方就開始派出大量人員到西貢進行地氈式搜索, 當中包括了重點搜索隊和飛虎隊等。除了警員外,可能是由於這事件實在太離奇而惹來很多市民的好奇, 有很多市民都自願參與了這次搜索工作, 參與的市民甚至包括了一些行山專家, 可惜找尋了十多天仍然沒有任何發現。 在十多天後,警方已經放棄搜索,而搜索的工作就由一班熱心市民組成了義務搜索隊來繼續進行。搜索隊就本著生要見人死要見屍的信念 一直搜尋下去 , 事隔數年 後, 仍然斷續地到西貢進行搜索, 可惜莫說是屍體,就算連丁探員的遺物也找不到,完全人間蒸發。 (圖:丁利華離家時在大廈的閉路電視片段、麥理浩徑標柜柱 )
![](https://attachment-storage.neard.com/fda2da4b02095af694d64592b9da9762.jpg)
![](https://attachment-storage.neard.com/6521712817662054d40f91948ae94714.jpg)