夏蕙BB😢😢😢 //送給留在理工的小朋友-【人總要勇敢生存，我還是重生許願】 回想先夫離世，連見他最後一面的機會也沒有，頓望由上流生活跌到落無家可歸，在桑拿過夜的地步；9年前出席宴會，想同陌生人影張相留念，都俾人話我係攝石人；好友離世，唔能夠送佢最後一程，仲有好多慘情經歷，種種痛不欲生！萬念俱灰！我曾經想過自殺，不過有好姊妹同我講，生存可以輕於條毛，亦可以重於泰山，假如當日我決定放下殘身，就唔可以識到9年前既經理人小肥豬Simon，亦唔可以係市民心中鹵魚翻身，升級做夏蕙BB，更唔可以每年做香港既吉祥物，去上頭注香。其實，我只係一個普通到無得再普通既香港老人家，或者係大眾契媽，我只係想幫班未想得通既小朋友出番黎，我好想同小肥豬一齊入浬大接大家出來，先去警方登記，然後我地一齊食餐好架，再見我安排左即義務律師，幫大家解釋點解要留係理工。我會同有關專業團隊一直照顧著大家，香港仲係一個法治地方，無証據係唔可以入罪的。我唔係怕大家唔夠野食，我只係擔心你地健康狀況，同情緒會否出現連自已都察覺唔到既嚴重創傷。 各位幫下手，用盡一切方法轉寄給他們，我真係好希望這個貼文能夠傳到這班大小朋友手上。我無任何政治條件和目的，因為我係香港人大眾契媽，所以有責任令到你們安全出來，過番正常生活，我生日個陣，同我一齊慶祝，講下生活情況，讀書有無進步？有拖拍未呀？工作辛唔辛苦，要唔要契媽幫手，就係Lee D咁簡單既生活小節就可以。如果大家願意，我同小肥豬、律師和醫生一齊親自去理工接大家返屋企。求下大家啦！95701888找肥豬Simon。當夏蕙姨求下你地，乖乖地啦！// #夏蕙姨 #夏蕙BB #黄夏蕙 #理大
:background_color(white)/https://avatar-storage.neard.com/cc3926ddabeba1ce01f1c2b52f5640f9.20190710065938.1562741978.4181.jpeg)
:background_color(white)/https://avatar-storage.neard.com/086acf390568875a3108d56a2c02dd2e.20210421084857.1618994937.4184.jpeg)
:background_color(white)/https://avatar-storage.neard.com/498836859ffaf4b3385261db7dd69742.jpg)