玄學家麥玲玲稱派利是有三重含意 首先，以前中國農業社會是大家庭制度，分幾房人，過年時當家將錢分給每房人過年關，即所謂壓歲錢。 其次，年三十晚守歲，給利是小朋友壓住過年有辟邪作用。 及至大年初一派利是取意頭，亦是長輩對後輩的祝福。 派利是主要象徵有錢過年，年年有錢用，同時辟邪，是中國傳統家庭制度中的特有現象。 封利是要新鈔？ 「其實唔使嘅，利是都是意頭嘅象徵，多數以雙數為主。」 初十五之後才可拆利是？ 「視乎你夠唔夠錢使，攞住耐啲先拆都係好嘅，過咗十五、甚至正月先拆都係好。 有沒有方法可聚財？ 「要聚財嘅話，譬如從事銷售行業嘅朋友，攞咗開工利是或大客派嘅利是，將啲利是收起，叫做借人財福，加幾粒茶葉幾粒米，放喺重要櫃桶或夾萬，希望藉住客戶帶來嘅旺氣，借到人財福。收到老闆利是、有錢人利是都可以咁做，久而久之，加強聚財能力及財運。」 利是無錢不利？ 「利是唔可以『吉』，無錢都要寫祝福語，當然收錢開心過祝福語，但祝福語並唔差，可以照收；新正頭如果去拜神，門口有人派財神，唔想攞都唔好話『唔要』，話『有喇有喇』，否則，財神全年都唔嚟搵你！」 #麥玲玲 #壓歲錢 #利是 #新年傳統 #鼠年 #農曆新年
:background_color(white)/https://avatar-storage.neard.com/cc3926ddabeba1ce01f1c2b52f5640f9.20210721050910.1626844150.0397.jpeg)
:background_color(white)/https://avatar-storage.neard.com/cc3926ddabeba1ce01f1c2b52f5640f9.20190816041623.1565928983.2215.jpeg)