[有感而發] 回顧2020 2019年12月31日，我同朋友坐喺酒吧入面等待著2020既到臨。踏正12點嗰時，我們舉高酒杯，好開心咁大叫新年快樂。嗰一刻，我哋衷心希望2020會更好...... 睇返呢一年，真係未試過成年都戴住口罩。呢一年既疫情令到大家生活起咗好大變化，少咗好多娛樂，出少咗好多次街。以前覺得好正常既生活，去到今日，你們發覺原來好多野唔係必然既，開始後悔以前冇好好珍惜，掛住以前既生活。2020年都帶走咗好多人，令大家更加體會到人生無常，無奈但亦都只能默默接受呢一切。 數數手指，原來得返3個星期就結束2020，但呢一年好似都係發生啲唔開心既事，疫情一波又一波，好似睇唔到盡頭咁。除咗疫情，政治上的變動亦動搖咗好多人對香港既信心，開始想離開呢片土地，希望變咗失望，期望變咗絕望。 不過，路點都要行落去。 開心又要行，唔開心又要行，點解唔開心咁行落去? 2021，來年多多指教。 #2020感受 #2020回顧 #純文字 #冇圖有真相