紅面具今日又黎講 #黃店之亂 最近最大粒花生係光時管理層原來收十萬人工？😰 紅面具個人認為呢篇可信度都幾高～ 之後會PO埋光時既回應🙈 #只望大家一齊進步 #仲有同人辦館OurHKMall都可以支持下 #非分化 #黃店花生 #光時HKongs #光時 TLDR: 光時義工轉全職時以天價人工挖自己角，再刻薄手足。要求光時交代及找回初心。 光時既初心係好：想由義工建立公司架構，再用黃色經濟圈黎養活手足。但係由義工轉受薪個刻時，一切已經變質。 今年初開始，光時係由4個義工分別管理唔同部門： P君 (Sourcing+IT)、 K君 (CS)、 O君 (Marketing)及 B君 (Logistics)。 三月時佢地4個討論過由義工轉全職，其中P君和K君打算留任，而O君與B君的位置會交托俾手足。 但係討論P君和K君的薪酬時，4人就此發生極大爭執，導致B君憤而離開，並將一切寫成一封光時內部公開信。我今日決定就將內容精選出黎，俾大家睇一睇光時內部到底有幾黑暗。 P君係一開始討論人工時，就已經要求10萬月薪 (佢事後亦有承認)。之後其他3人曾經要求將價錢調整為7萬基本人工+2萬為達標獎金。奈何按B君所講：一. 所謂達標其實極易，要求提高難度；二. 要求睇一睇P君 CV以作衡量基準。呢兩個要求都喺其他3人反對下不獲通過，而B君在爭取不果就決定公開。不過，到今日都係無人知道究竟P君實際既package係點，亦都無人睇過佢份CV。 如果光時係一間普通公司，自然無可爭議。但P君同K君都唔係光時既金主，光時係由各位義工協力，並加上由同路人買現金券既資金支撑起，P君又點可以自己決定自己應該出幾錢人工呢？ (事後被人發現， 原來P君上一份工作既人工係40-50K， 但在擔任光時義工期間已經被原公司炒魷。 P君根本就係以失業之身加入光時， 又何來挖角升職加薪至年薪百萬之資格？) 本來如果只係管理層人工高，我都唔打算公開。受薪唔代表食人血鏝頭，但係佢地厚待自己之餘卻刻薄手足，呢樣就一定要俾人知： 當B君仲喺度既時候， 光時個倉的Part time每日大約會請到4-5個人。到B君走之後，Part time愈黎愈少更，有Part time返工返到5:30，P君就趕住要人打卡，為左去慳個半小時人工。B君離開後就無人填補佢既位置，大部份既Part time喺無培訓、無更既情況下慢慢離開光時，慳到既錢就轉化為P君人工了。 另外，B君的公開信中仲提及：有一位喺獄中既魚革義士想申請釋前就業計劃，希望以光時名義先請左義士，等義士可以提早半年出獄。但係P君更加係對呢件事不聞不問， 完全無視義士，最後可惜申請唔成功。 P君同K君都無喺時代革命中被捕，以佢地既條件相信可以搵到工作。但佢地點解可以霸佔黃圈資源，出高薪俾自己呢？如果光時做到成績，相信同路人都唔介意2人收咁高人工，但自肥而刻薄手足既行為令人不恥。 最近仲出埋Donation Option俾人落單時收貼士，試問咁樣係唔係搶緊需要真正損款援助既機構水源？612，星火，好鄰舍北區教會，仲有眾多民意訴訟眾籌，光時點可以仲同佢地搶資源？ 光時既初衷係乜野？希望唔使靠捐款，用平時大家購買生活所需時的開支去養活手足； 同埋光時為佢地提供培訓，等佢地出獄之後可以喺光時做跳板。咁宜家又做唔做到！？ 希望光時既管理層見到呢篇文章會自己交代番事件，不過既然你地連自己內部都無交代過，相信你地都唔會有咩交代。 同路人們，如果手頭上仍然有光時券，不妨用盡佢。在光時未有實際回應前，如果真係想買日用品/零食，可以考慮：瓹窿瓹罅 GuruGuruhk.com 、 Jimmy Jungle 、 無名士 momingsi.com。3間都係黃店， 兼且會做實事。 光時由成立既初期到宜家都係有好多甩騼，但一直有賴各同路人互相支持、鞭策，以最大既包容俾光時繼續進步同改善。愛之深、責之切，我唔希望大家既同情與包容被利用，亦唔想黃色經濟圈失敗。我只係希望光時能夠拾回初衷，真係做到保護手足、養活手足。 Q&A: Ｑ：你係邊個? Ａ：光時入面小薯仔一個，只不過係睇唔過眼。 Ｑ：有無員工證？ Ａ：為左保護手足，光時唔會有員工證證明身份。但我講既野係B君公開信有提及，孰真孰假光時手足一定知。 Ｑ：點解要係連登開POST？想派花生？ Ａ：光時本來就係連登開始，而且B君內部公開信都無得到正面回應，唯有公開俾大家睇清楚。 Ｑ：係唔係鬥黃搞分化？ Ａ：唔係，只係想光時重回初心，要賺錢之所以仲要支援運動同培訓手足。 Ｑ：黃圈係唔係唔俾賺錢？ Ａ：首先公司賺錢同個人薪金係完全兩回事。出天價俾管理層正正就係會令光時無盈利去支援手足。 Ｑ：黃圈係唔係要做義工？ Ａ：唔係，受薪無問題，但要係合理水平。係咁既經濟環境下加薪100%跳槽完全係過份。 Ｑ：光時生意唔好，點請人？ Ａ：首先生意唔好就係管理層責任，全世界疫情都係網店大賺，特別係光時會衰左既？如果真係生意唔好，又點可能負擔到年薪百萬去請一個人？道理講唔通。 Ｑ：點解而家先爆？ Ａ：其實Ｂ君出內部公開信時已經講左會爆，只不過我睇唔過眼佢咁耐都唔做野，我爆先。 Ｑ：光時一週年post有提及過培訓左2個手足升職喎，你9 up。 Ａ：其實到B君公開信中有提及過實習計劃，打算推薦各同事去唔同部門實習。事實上喺光時Facebook一週年中提及的兩個例子(倉同事轉到Sourcing與及倉同事轉到Accounting)，都係由B君提出及要求，但其他管理層卻喺佢走左之後拎黎做政績。更甚既係，B君走左之後， 已經無人再實行實習計劃。轉左做Accounting個位Part time同事已經因為無更已離開左。 Ｑ：你想光時點做？ Ａ：公開承諾 保持初衷 投入更多資源去招聘受社運影響手足，爭強在職培訓及檢討其他福利，開拓其他途徑支援在囚手足 from : lihkg.com/thread/2253278

今日繼續光時...睇睇光時官方回應🙈 紅面具對呢篇回應有少少失望😓 因為我覺得光時到今日為止都幫到好多手足 但成篇野淨係強調呀p 出左好多力 雖然明白既，但可以做得更好囉 咁個個手足都有出力 如果呀p可以唔出咁多力，做晒咁多野，請多2個人幫下手，又可以出下人工比其他手足，唔好咩？ 希望光時可以再思考之後內部既發展啦🙈 #只望大家一齊進步 #仲有同人辦館OurHKMall都可以支持下 #非分化 #黃店花生 #黃店之亂 #光時HKongs #光時 抱歉！咁耐先回覆各位一直詢問嘅事。 光時嘅內部事宜一直都係好保密，因此聲明有可能會牽涉到私隱問題，我哋亦都好擔心會透露或影響到其他手足，因此必須要謹慎回應。 由2019/6月開始P已經加入光時做義工，參與籌備所有嘢直到10月，光時先真正開張，當中人手全部係義工，System，網站，入貨，開公司，銀行戶口，如何保護手足/義工，營運一間網店無數嘅細節難以盡錄，而因初期營運有好多問題必須要即時做決定，因此由當時幾位比較資深嘅義工擔任team leader主要為每team提供意見及做決定，而P係當中負責IT、set up網店，亦負責同當時創始成員決定所有細節。 如果一開始就支持我哋嘅應該知，我哋一開始營運係冇集資，以預訂貨品及售賣gift card嘅模式先收錢再買貨去營運。但開張後3個月左右，因之前嘅sourcing team同supplier仍然未安排到足夠嘅貨量比我哋出貨，令到大量嘅客追單同對我哋失去信心。P提出要cancel哂所有缺貨同以後只賣現貨，我哋亦無再同舊sourcing team合作，P就開始負責埋sourcing嘅工作。之後Finance team及發起人就相繼決定離去，P就繼而負責埋Finance Team嘅工作，睇住盤數等等職務。P亦會負責做埋stock take，因為想令網站影響最細，會半夜3-4點先停site上番數。其餘工作其實仲有揀貨、系統上架、定價、補貨、庫存管理、同其他供應商接洽、做訪問等等。去到12月，因為P負責嘅嘢太多，同時身兼正職導致好多decision都好耐先做到決定，B開始叫P放棄份正職入黎光時做，因為當時P係最熟悉光時所有運作嘅1 個人，而大家亦開始討論黃色經濟圈不再係黃色義工圈，大家繼續做義工係唔健康嘅發展，應該轉營成一間唔再依賴義工嘅正常運作公司。 及後直到4月嘅時間，我哋管理層一直對P會否願意放棄正職加入光時以及討論人工問題。因為要加入一間政治色彩濃厚嘅公司擔任要職並唔係一個輕易嘅決定，而呢個經驗將來亦都難以寫落CV。 而同時4月B提出要退出光時，P亦接手埋倉，負責管理直到而家，而現時光時亦再冇義工參與運作，正式擺脫黃色義工圈。 現時由P主力負責管理嘅部門包括:Logistics, Sourcing, IT, Finance ，而至於點解會有$100,000人工呢個數，開過公司嘅人就會明白，而實際P係無$100,000人工。 我哋管理層一致認同光時呢一年來由建設，成立，發展，每一個部門，上至公司大方針，下至用咩紙箱，P都係出心出力，全情投入，功不可沒。 from : lihkg.com/thread/2254280