今日小妹又有酒店推介，寫一個評價好高嘅酒店。 酒店：帝逸酒店 酒店係2019年落成，位於沙田第一城附近。地理位置上係好幾奇怪，行去沙田第一城站／石門站都要大約10分鐘，不過酒店有提供免費接駁巴士去石門站，都可以接受，另外酒店下面同馬路對面都有巴士站可以出入紅磡／觀塘／港島。 講返酒店裡面，房間唔算好大，小妹入住房型大約22平方米，不過裡面一應俱全，有提供illy咖啡機同Capsule，而提供嘅兩支免費樽裝水都唔係細細支嗰啲，洗刷用品全部都有。而最值得講嘅係呢度嘅沖涼Experience真係一流！花灑頭係有濾嘴，而且力度非常之好，冷暖水供應穩定，而沖涼液有分開日用同夜用，又超級香！另外，由於酒店位處嘅地方附近都冇咩好高嘅樓，所以酒店嘅景色都好靚，可以睇到山景，河景，城景！ 小妹當日入住仲有去咗佢哋天台個泳池，泳池唔大，不過勝在喺天台，想曬太陽完全OK，不過地板用料要諗諗計，因為太曬太熱，我一除咗對鞋就好似踩LAVA咁… 好在泳池係恆溫嘅，即刻跳落水就解決爽晒了。 價格方面，小妹用Agoda訂嘅，係假期入住約500蚊左右，個人認為物超所值。 評級：5/5 #帝逸酒店 #本地遊 #酒店 #爆房 #酒店推介