~愛文芒果香橙批~ 又到咗可以食芒果嘅季節啦🤣，撞啱朋友生日，所以就揀咗個芒果味既蛋糕俾佢🤭 (其實自己中意食)，實啱哂佢。 之前上網睇嗰時見佢尺寸13cm，心諗應該唔會太大🤣，但點知現場睇到實物，比想像中大，因為佢好高! 佢上面鋪滿果肉😋，入面夾心嗰層都好多果肉。 切開一睇，佢其實係一個裝住蛋糕既批😏，佢中間除咗夾住🥭肉，仲有一層煙煙韌韌既麻糬😋。個麻糬夾喺中間唔會好怪，反而令到口感豐富咗。一啖咬落去，芒果酸酸甜甜😋，食落去冇平時既蛋糕咁漏，真係好鬼fresh，食多件都唔怕。 同埋最重要係，佢個批唔似平時食既撻皮，佢係拿破崙嗰隻質地，好酥化😋，估唔到幾有驚喜，整體嚟講，真係幾滿意個批👻，下次可以encore。 #italiantomato #nearD好西 #foodloversdiary