一位三孩之母於昨日（9日）在「親子王國」以「我信老公仲愛我，但係愛定係責任?」為題發文，指自己與丈夫至今拍拖結婚18年，感情慢慢出現問題。她表示，二人都只是30多歲，雖然丈夫直指「愛冇變」，惟二人行房卻越來越少，「有時佢寧願瞓廳睇電視都唔入房瞓，一段時間我自己諗，係咪我掛住全心湊小朋友，身型走樣又唔打扮?」港媽為此作改變，開始減肥希望增添魅力，由148磅減到132磅，目前仍在努力中。雖然付出多，但她認為丈夫對自己的感情卻依舊平淡如水。 港媽又透露，曾為行房一事向對方表達自己感受：「點解你而家好似對嗰啲（行房）冇乜興趣嘅？」丈夫解釋，因全副心機投放在公司和家庭，沒有想到「行房」一事。原本港媽對此表示理解，惟一次無意間在丈夫手機找資料時，發現對方一直都有看成人影片，因而感到不安， 「我呢排喺心不斷同自己講，唔好諗多，我信佢仲愛我，只係淡如生活......再之前公司忙， 有差唔多一年時間直頭覺得自己已經係單親媽媽。」 為了增加二人獨處機會，港媽嘗試陪丈夫看電影聊天；但因兩人生活作息時間不同，因此感到實在太累，「每日3、4點瞓」。港媽又指感到太累，故曾向丈夫提出離婚，「感覺長期得自己一個人，身邊明明有伴侶，但有同冇又好似無分別。」當時，二人有為關係作出改善，丈夫亦對她表示「從未變過，同以前一樣」，又願意主動改變自己配合，港媽亦坦言當時感到幸福。 直到現在，港媽坦言自己已盡力為關係作出改變，又嘗試過主動提出「行房」，但對方則好像在敷衍了事，故決定從今開始會平淡活好自己，照顧好子女， 「亦因為咁畀咗好大動力去減肥，保養返好個樣，唔係為咗任何人，只係想自己改變。」 #媽媽 #結婚 #關係