#香香食好西 Pastaholic屬於和民集團旗下，主打「和風洋食」，價錢比一般西餐廳相宜，但份量質素堅守日資原則絕不馬虎。 ⚜️ 私心推薦💞 🍤意大利香蒜蝦MAC AND CHEESE $88 即叫即焗，表面佈滿焗至香脆既芝士粉🧀食落脆卜卜、有啲似乾蒜。 餐廳主打以小麥粉自家製作而成既意粉，食落真係特別彈牙，仲自帶一陣淡淡既小麥同奶脂香。 🍣意式薄切三文魚忌廉芝士卷 $48 賣相小巧精緻，味道層次卻非常豐富。 薄身油嫩既三文魚片，包裹住骰仔大細既奇異果同忌廉芝士。 奇異果為偏向淡味、只有軟滑口感既忌廉芝士帶來一陣清甜，兩者配搭天衣無縫，令人眼前一亮。 ⚜️ 午市有唔少優惠套餐，以貼地價錢就可以享用餐湯、餐飲同主食。 🍝 南瓜忌廉汁香草雞肉鮮製意粉 $78 鋪滿瘦嫩既煎雞扒，非常抵食。意粉麵質偏軟糯寬扁，南瓜醬汁如餐湯一樣香甜，但食多幾啖會有少少膩。 🥣 餐湯（洋蔥湯／南瓜忌廉湯）兩項選擇 南瓜忌廉湯口感偏滑順，濃稠適中、無麵粉顆粒感，伴隨香甜既南瓜香，無咩瓜蓉❌ 🍗蒜味芝士雞翼（配蒜味芥末醬）$38 焗得香口唔油，蘸上蒜味芥末醬幾易入口之餘減低左肉類嘅油膩感，有啲似日式沙律醬配唐揚雞既感覺，值得一試。 不推薦❌ 🍕黃金四重芝士披薩（配蜜糖）$58 標榜手打現造，入口鬆軟軟綿，個人偏好煙韌硬身既口感，所以覺得一般般～其次莫講話四重，芝士控表示唔係好食到芝士味。 #旺角 #雅蘭中心 #Pastaholic #日式洋食餐廳