Lunch 唔帶飯，出街食，多數都係油膩野...仲要冇咩得你簡咖嘛 夜晚返屋企食，自己煮可以點樣可以少油又唔會太淡而無味呢？ 我最以前都係用油，蒜頭，蔥，薑呀呢啲野調味。但係會覺得唔落油/落少啲油啲野就好難食。 最近發現新大陸🙊（其實呢樣野一早存在，只係我冇用過）佢就係清雞湯啦～ 而家既我，每餐晚餐用一茶匙油煮曬啲肉同菜。你冇睇錯呀，係一茶匙咋。一開始我會覺得好難食，因為分開肉同菜黎煮，搞到無論係肉定係菜都冇味。 而家我用左半茶匙油，爆香啲蔥呀蒜呀咁，之後倒埋少量肉類去炒佢到半熟。呢度係會有啲痴獲咖，因為真係冇咩油。 為左等啲肉唔好咁Dry, 唔好炒到熟（牛肉除外） 要放少少雞湯或者水去煮一煮佢，煮到有少少湯咁。 然將你預備好既菜放埋落去煮一煮，到所有野熟曬就得啦～ 要將肉同菜粉埋一碟既原因係：如果淨菜，得個半茶匙油，佢係好鬼難食咖！但加左落啲肉湯度，佢就可以吸收到啲肉味，去左佢既草青味。 最後當然係落返少少調味料啦～ 如果落左雞湯既朋友，要小心會比較咸，因為雞湯本身都有味。但成個餸會有啲鮮味。 ＜今晚食左雞肉，椰菜，金針煮埋清雞湯。煮完太肚餓唔記得左影相添＞ 得一茶匙油既餸就誕生左啦！yeah.... 我而家唔出街就係咁食。食左應該有一個月嚕。體脂少左大概4% 😍😍 想減肥既你地都試下啦~ 咁做真係減到體脂💪等你地上完話我知減左幾多呀～ 如果大家覺得我既做法唔好，請指點指點呀～🙇