反了反了 #邱騰華 #林鄭 「特首黑馬」邱騰華搶閘亮相 快過林鄭入場 特首林鄭月娥噚日（8日）下晝召開記者會公佈第二輪防疫抗疫基金新措施，之不過未開始之前就發生一段小插曲。話說成班高官例牌一字排開、一個跟一個咁埋位，點知政圈盛傳嘅「下任特首黑馬」、商務及經濟發展局局長邱騰華疑似心急得濟，竟然「搶閘彈出」，仲要行咗幾步先發覺無人跟住，急急掉頭「重新入閘」。現場記者見佢咁勇，自然笑聲四起，仲有記者忍唔住講咗句「林太都未行」。