我在富安花園打牌撞鬼的經歷 - 完 由於眼瞓，大家冇食到早餐就散隊。不過走之前都叫大家，記得去行下廟先好返屋企呀！ 咁我有間天后廟係由細去到大，小學係附近，放學去補習又一定會行過咁。 咁我返到去，就坐巴士過去，呢個時候個人一直好眼瞓，飲水冇用，食香口膠冇用。一直有個念頭就係︰ 「冇事嘅，返去瞓覺啦，唔洗特登去天后廟嘅。」 不過另一邊就諗︰ 「DLLM，車都上咗，錢都比埋，唔撚係唔去呀？」 我到今日都覺得，係呢種性格救咗我。 去到天后廟，一早已經好多香火，成間天后廟都係煙。平時接觸到呢個煙一定係唔舒服，點知一入去到，冇嗰種乜煥然一新有光乜乜乜，而係好單純，突然間完全唔眼瞓，好精神。 咁我拜晒正面同兩側嘅神位，見到有香油箱就放低一半啱啱嬴嘅錢。一出天后廟成個人7常好多，仲要肚餓，於是就食埋個早餐先返屋企瞓。 點解我話救咗我呢？ 因為事後我先知，十三么男同同學夾錢做生意，比個同事呃走咗幾十萬，仲要借埋錢，結衰咗幾年先還完錢。 其實佢叫人比多隻，比多隻佢，就等於同鬼借錢，而你話啦，借錢洗唔洗還？ #富安花園 #馬鞍山 #香港02 #鬼故