其實都好耐之前食，不過都想同大家share返。相信好多朋友都食過呢間，不過我同朋友食完就覺得普通，唔會特登再嚟，始終旺角有好多選擇。佢入面環境都比較逼，d凳冇椅背，如果想放手袋背囊既話都幾唔方便。 辛安東元奶奶雞($1️⃣5️⃣8️⃣) 可能因為人多既關係，我哋起碼過咗45分鐘先上到菜🤦‍♀️，都真係等咗好耐。本身對佢好有期待，覺得應該好好食，但講真都幾失望。佢d雞偏肥🤨，舊舊都冇咩肉又冇咩味，我哋真係食唔出有咩肉🤷‍♀️。而且d薯仔唔夠入味，有少少偏硬😑。全碟最好食係啲粉絲😙，入味得嚟又煙韌，如果可以encore粉絲就好啦。 另外我哋叫咗個韓式炒年糕，同平時食既差唔多，份量唔算多而且味道比較普通，不過佢加咗魚糕幾啱我😂，我真係好中意韓式魚糕。 味道👍 : 06/10 價錢💰 : 08/10 環境🍽 : 05/10 #辛安東元祖奶奶雞 #nearD好西 #foodloversdiary #旺角