FI專欄｜名媛VS奇女子｜Louise 網絡新聞鋪天蓋地暱稱遇害的蔡天鳳為「名媛」，實在非常搲頭，令「真名媛」嗤之以鼻，雖知「名媛」乃是世家望族之後 ，最少知其父、母之顯赫背景，正所謂的Blue Blood ， 藍血人也。蔡天鳳與其母親頂多屬「奇女子」罷。因爲案件涉錯綜複雜之金錢軱轕，就連富豪級金融界友人，半夜三更也whatspp來追問案件內龍去脈。就是因為肢解案成茶餘飯後話題，為免影響高級會所會員嘅食慾，週一友人相告深水灣鄉村俱樂部的厨房，已不賣青紅蘿白湯及髮菜湯。但仍阻止不了食客討論此轟動全城嘅殺人事件。 賣股套現 浮屍海面 其實以往在金融界都有唔少懸疑的死亡事件， 只有局內人知或有口難言。 正是喺深水灣鄉村俱樂部附近，20多年前一金融奇女子就浮屍在該海面。她就係同大劉兩兄弟諗熟的前渣打銀行女banker呂綺雯（Brenda Lui）,，此女子乃是財技高手， 幫過大劉嘅愛美高中國上市，曾搞到腥風血雨的東寧糸也是她的客仔，後來自立門戶搞太平洋興業；股東有挪威佬， 遼寧佬等來自五湖四海人士。 公司1998年上市後， 2000年此奇女子將股份賣予「政壇元秋」胞妹蔣麗莉，套現近億元， 還準備去外國讀碩士，誰不知賣股後兩個月，被發現浮屍喺深水灣海面 ，最離奇嘅喺，在深水灣山坡懸崖邊發現佢一對拖鞋 ，而銀包內有佢搭的士嘅收據， 亦無表面傷痕 ，就此推斷佢搭的士去深水灣跳海自殺 。 咪話唔邪，蔣麗莉幾年後同太平洋興業股東出現股權爭奪戰惹禍上身，攪到俾老廉郁，最終成為階下囚。 膠袋笠頭自殺 初入行做財經記者，亦接觸過另一奇女子，台灣幫嘅大家姐—名為陳麗紅 ，佢係台灣地下錢莊老細嘅女人，出現係香港法庭為爭奪尖沙咀日航酒店股權， 佢說話豪爽，曾被拉斯維加斯賭場追賭債千萬美元，但口氣仍非常之大，話輸1000幾百萬美金唔算係乜，財富似源源不絶，但最離奇的是採訪當日， 見住陪伴她出入法庭的男助手，翌日被發現在港大校園荷花池附近「自殺 」身亡，點死？係搵個膠袋包住自己個頭焗死自己。採訪完大家姐後見住生勾勾嘅助手就此「輕生」，有感金融界原來是如此複雜又兇險的，所以又點會咁Simple Sometimes Naive 去睇呢單「名媛肢 解案」呢？ 註：專欄作者的觀點不代表本網立場。 Fortune Insight 聯乘 《華爾街日報》推出全新訂閱計劃「FI Prime Plus」，只需輸入優惠碼「FIP30free」，即可免費一個月暢讀《華爾街日報》全網內容和Fortune Insight大部份收費內容按此訂閱：prime.fortuneinsight.com/web/wsj Subscribe FORTUNE INSIGHT Telegram: bit.ly/2M63TRO Subscribe FORTUNE INSIGHT YouTube channel:bit.ly/2FgJTen #本地 #碎屍案 原文連結：fortuneinsight.com/web/財經/4640597/fi專欄｜名媛vs奇女子｜louise

FI Prime Plus - Fortune Insight