FI專欄｜撤辣落空 地產佬一肚氣｜Louise 施政報告出爐後，立法會議員都讚不絕口，「有料到」、「聽民意」，又 「惠民」，更加好到貼地咁。就係冇聽地產界要求撤辣，一班地產界行家聚頭飯局，一談施政報告就「No Comment」，意思係不值一提。 所以行動最實際立即散貨，走得快好世界。恒地(12)劈到兩百幾萬賣粉嶺新盤，隱型富豪何崇本家族 ，亦立即上載樓書賣山頂種植道豪宅。後市點睇？施永青都好坦白，愈遲買樓就愈平，愈多選擇。 對發展商來講當然不爽啦， 飯局中有位濶佬謂: 「辣招目的喺阻止人哋去炒賣， 但擁有蝸牛殼係人基本嘅慾望需求。 李光耀夠清廉啦 ，係新加坡都特別僻個紅燈區俾人合法叫雞 ! 正所謂人人都有需要，樓市都有剛性需求，你政府抑益壓住佢做乜呢？政府宜家做啲嘢違反自然定律! 」 飯局上再論高端人才 ，曾在北美洲打滾的地產佬，聽到 250萬年薪以上為之高端人才 ，說：「高端人才你估對住嘅質素冇要求咩？ 搵250萬年薪， 連山頂買個廁所都未得啦。家教好緊要， 啲官係屋邨仔出身，冇父兄喺商界講故仔佢聽，冇見過咩世面， 咩叫人才都未知！」 再聽到勞福局局長孫玉菡話，用塊鏡照下自己已經知道係咪高端人才，此君忍唔住説:「 不如叫人疴篤尿照下個樣！ 低級趣味！」 更想起呢位年幼時從山東移民到港的第一代「新香港人」局長， 幾個月前係一個慈善機構上致詞， 當畤仍未放寬防疫措施， 作為勞福局局長，孫玉菡敦促在座善長要多騁請人以保就業，當日在台下這位善長非常不屑，禮成後返家立即致電友人呻氣:「呢條矮仔局長，好似同我哋訓話咁! 我話哂都係老細，捐嚿錢出嚟吖。我夠想請多啲人，有無生意做先得㗎？挑！」再論創新科技及再工業化，有個退休廠家話：「要加埋金融元素落去cross over, 嗰幅picture先好睇，將啲好project 商業化後要上市先至係鴻圖大計，政府啲官個腦硬係差一截。」 註：專欄作者的觀點不代表本網立場。 Fortune Insight 聯乘 《華爾街日報》推出全新訂閱計劃「FI Prime Plus」，只需WSJ官網原價三分一價錢，即可同時暢讀《華爾街日報》全網內容和Fortune Insight大部份收費內容按此訂閱：prime.fortuneinsight.com/web/wsj Subscribe FORTUNE INSIGHT Telegram: bit.ly/2M63TRO Subscribe FORTUNE INSIGHT YouTube channel:bit.ly/2FgJTen #財經 #搶人才 #減辣 原文連結：fortuneinsight.com/web/財經/3792531/施政報告-減辣招-孫玉菡-新加坡

FI Prime Plus - Fortune Insight