咖啡 X 低碳音樂 #零碳市集 #零碳天地 #咖啡 #COFFEE #本地遊 建造業零碳天地將首次舉辦咖啡x低碳音樂@零碳市集,帶大家由「淺識」至「深解」咖啡文化,希望您會愛上咖啡之餘,更可以與一眾咖啡愛好者一同實踐低碳生活。 咖啡x低碳音樂 @零碳市集 ◎日期:2021.4.30-5.2 (五至日) ◎時間:12noon - 7pm ◎地點:建造業零碳天地(九龍灣常悅道8號) 建造業零碳天地咖啡市集2021檔主申請表 手沖比賽2021參加表格 市集特色: 手沖比賽 低碳音樂 法式咖啡廳佈置 多款特式攤檔: 集合本地咖啡品牌攤檔 匯聚多款本地作品牌 檔主包括: 嚟自大坑#SonneCAD嘅咖啡品牌,舖頭係由百年老宅改變而成, 主要銷售自家烘焙嘅咖啡豆同埋相關咖啡副產品 (如沖煮器具)。跟零碳市集同一理念,希望可以推動可持續發展,例如利用樽裝賣豆,減少使用不可重用或有害嘅物料。 以純素同唔傷害動物為出發點,「#素啡工場sofe coffee」精選各地優質嘅精品咖啡豆,再以手工釀製冷萃咖啡,仲將CBD加入唔同嘅咖啡產品中,讓大家感受下由植物推動嘅健康力量,為生活減減壓! #Onthehillcoffeebar 創辦人作為咖啡師兼咖啡控,一直堅持咖啡嘅原味,希望以咖啡作為溝通渠道,拉近人與人之間嘅距離,讓客人享用咖啡之餘,亦同時感受到暖暖嘅人情味。 #OBKitchen 搜羅有機天然食材,主張無添加人造色素、香精及防腐劑,透過自家工場出品嘅糕點美食,帶大家享受低碳生活,食得健康。 #iBakery 喺東華三院嘅烘焙及餐飲社企,期望讓不同能力嘅人士都能為社會帶來點點不同。今次佢哋團隊特別帶來多款皇牌產品—手工曲奇,希望細口嘅曲奇能將美味及品牌理念傳開,做到可持續發展。 #RedMeowCoffee 為本地咖啡烘焙品牌,持續推動本地咖啡文化並帶入社區,客人可揀選自己心水嘅咖啡豆,炒好後,直送家中。 #StubbornCoffeeRoaster 每個月均專注係唔同國家搵新豆同市面比較少見既豆種,限量供應俾啡迷,希望大家可以喺咖啡中感受到老闆對咖啡質素嘅固執。 #TIL TodayisLong 主要提供西澳咖啡,所用嘅豆全部都係著名咖啡烘焙店嘅出品!除咗咖啡,佢哋仲帶咗佢哋嘅特式小食等大家慢慢享用。 #MYOCCOFFEE 帶嚟嚟自日本咖啡職人烘培嘅咖啡產品同埋知名日牌咖啡沖煮器具,唔駛飛去日本都又可以見到實物,更可即場帶埋屋企添啦。 #JengzinTown 將唔同地方精選嘅優質飲品帶到香港,當中更有特式茶包,帶大家歎啡以外更歎茶。 #REstore 係由生命工場開設,力撐油尖旺區內個體小店之文化保育,將結業或難以生存店舖嘅色彩重現於街道。市集將會賣香港特色小巴牌、純素曲奇、掛耳包咖啡連禮物袋(布袋由基層婦女製作)

Related Feeds

#咖啡師日常 朋友又投稿,因為有人反映我朋友打字 1999,所以我決定我修改下,但係盡可能保持原汁原味。 // 到底啲人係唔係因為戴住個口罩,呼吸唔順暢,啲氧氣上唔到腦,啲血液上唔到腦,搞到啲人開始愈嚟愈奇怪。 繼琴日阿客問我點解 ESPRESSO 咁細杯之後,今日又有個奇行種。 阿客嚟問我,早餐平時有乜包食,我咪答佢,有腸仔有火腿有吞拿魚,不過今日得返切餅,切餅有合核有提子。之後阿客同我講︰ 「咁我要一個腸仔包。」 「咁我要一個腸仔包。」 「咁我要一個腸仔包。」 屌你老味,都講咗得返切餅,OKAY,算鳩數,我決定答多次佢一次得返切餅。 好啦,最後佢要切餅,我問佢洗唔洗加熱比佢,攬住個切餅好似我會搶走咁講「唔洗啦,我OKAY。」。 然後下一秒,就係下一秒,就係下一秒…… 「點解凍嘅?」 「點解凍嘅?」 「點解凍嘅?」 屌你老味,係雪櫃拎出嚟會唔會係熱呀?唔凍我雪入去做乜呀!! 咁我答返佢,係呀,喺雪櫃拎出嚟,當然係凍啦,洗唔洗加熱? 之後佢問我,打算點加熱,係唔係連埋個膠袋一齊加熱? 屌你老味,稍微個腦袋清晰少少就知唔會連埋個膠袋一齊翻熱啦下話?屌你老味,仲要攬住個切餅扮可愛咁問我「你會點整熱架?」 好在我多年經驗教我,一定要笑笑口同佢講,當然唔會連膠袋加熱啦。 然後佢再問我: 「加熱咗會點架?」 「加熱咗會點架?」 「加熱咗會點架?」 即係,我係絕對支持其他人去接觸咖啡,但係唔該比少少時間同心機,聽清楚人哋講乜,最緊要係,唔會用下個腦!!!

估下我飲緊乜 🤪 #mondayblue #coffee #tea

M記咖啡其實都唔差🤔🤔 #coffee #mondayblue #留家抗疫

Coffee or Tea 分享

單純分享咖啡或茶品,咖啡或茶品以外的請到別處

Coffee or Tea 分享

TAY

87 Followers

3 Followings

2995 feeds

TAY

東東菜 Nori

240 Followers

0 Followings

248 feeds

東東菜 Nori

可口

0 Followers

0 Followings

123 feeds

可口

Yoshimi Hara

1 Followers

0 Followings

3 feeds

Yoshimi Hara

Rainy Kung

6 Followers

6 Followings

7 feeds

Rainy Kung

China

Hong Kong

Hong Kong Island

Eastern District

Eastern District

A Kung Ngam

Shau Kei Wan