｜四大行山考牌路線2 - 環湖出咀摸鬼手｜12小時10分完成✅ 早上6:50出發，行到夜晚7點，總算摸到鬼手岩。真心辛苦過一尖三咀四灣。當日氣溫有成30度，濕熱冇風，雖然整體起伏上落唔算大，但整段路要翻越多個山頭，有種無止境前進既感覺，當你以為下完一個山峰可以抖抖，點知又要再上另一山峰。 鬼手岩比想像中細舊，係海水中伸出，比d想像力就似隻鬼手。落鬼手既路段需要綑邊，有少量攀爬。攀到石灘位置就可見到鬼手岩，係石灘黎個午餐同午睡，一絕！ 睇完鬼手岩要由原路上升至鳳凰頭，算係全日最辛苦既路段，沿路都係林中穿過，非常焗熱。 大概6點半就落到船灣副壩，係副壩上睇埋日落，再行番出大尾督主壩，完成！ 沿途無乜景 真係好靠意志力 精神折磨多過體力透支 無咩事都吾會再去 多謝。 #行山 #環湖出咀摸鬼手