📍囍源古早蛋糕 (深水埗)📍 深水埗北河街123號地舖 今日要去深水埗交收，順便行下街，見到呢間古早味蛋糕 @heiyuen_bakery 連電視台都訪問佢哋，一於買兩個招牌蛋糕返去試下！呢度有超過60種口味，採用低溫烘焙，令蛋糕有黃金邊底，唔會有燶味，而且係低糖少油配方，更加健康👍🏻 兩款蛋糕嘅口感都係濕潤鬆軟，蛋香味好出🤤 🐖 肉鬆 $70 見到肉鬆嘅顏色唔同，原來係用左兩種唔同嘅肉鬆（金絲鬆同鬆鬆）👍🏻 肉香味好濃郁，係夾層嘅肉鬆嘅份量都好足，呢款口味好正～ 🧀 拉絲芝士 $70 用左兩種日本芝士，一種係淺黃色嘅芝士條，比較有咬口，另一種係類似漢堡包嘅深黃色芝士片，溶溶地🤤 加熱就有拉絲效果～ 食唔曬可以擺係雪櫃保存三日，第三日嘅口感都可以好似第一日咁😍 翻熱就建議用電飯煲嘅保溫功能，唔會好似微波爐/焗爐咁抽乾水份～ 靚女老闆娘話多數客人都係打電話提前預訂心儀嘅口味，咁就可以食到新鮮出爐嘅心水蛋糕啦～ 最後仲比左張卡仔我儲印花，儲夠12個就有得換領一個蛋糕🤩 係言談間完全感受到老闆娘對正宗古早味蛋糕嘅嗰份熱忱同執著，推薦💯 #囍源古早蛋糕 #深水埗 #深水埗美食 #food #hkfood #foodie #hkfoodie #foodporn #foodstagram #foodlover #foodblogger