~Acquasala~ 又係久違既堂食😍,終於同KK出街食好西~ 今次去咗食意大利菜,成個lunch set 包頭盤,主菜同埋甜品,都只係1️⃣4️⃣8️⃣,係蘇豪區嚟講真係幾抵。 頭盤 (🥣Soup & 🧀Burrata) 呢個羅宋湯其實都幾唔錯👍🏻,飲落酸酸地又辣辣地🙈,作為前菜都幾開胃下,仲配埋兩款又香又脆嘅包一齊食,正。 呢個芝士真心令到KK同YY好驚喜😍 ! 首先佢味道唔會話好鹹,但食落就有好香嘅芝士味。其次佢食落嘅質感非常creamy👍🏻,配埋沙律菜一齊食好夾,一定要試下! 主菜 (🍝seafood spaghetti & 🍔 impossible burger) 個意粉嘅海鮮份量好多,有帶子,大🦐同埋🐟三文魚,件件都好大粒,好足料👍。尤其帶子好鮮甜,KK好中意🤪。意粉就好有咬口,偏硬同埋俾平時食既粗身,每一條都掛到汁,唔錯。 個impossible burger份量好多😍,薯條新鮮整起好好食。另外個burger真係好厚身,塊肉超厚😳,勁似真肉,好juicy,好好食呀,下次嚟一定會再叫佢 ! 甜品(Tiramisu & Panna Cotta) Tiramisu係YY最愛😍 ! 佢整得好creamy,而佢係冇用手指餅,改為用好濕潤既咖啡味蛋糕,比例啱啱好。佢甜度亦好適中,中和返d朱古力粉同埋咖啡嘅苦味,每一啖都係享受。 Panna Cotta就係KK嘅pick🙈,個奶凍好滑👍🏻,食落雖然偏甜但奶味都算岀,配埋好香紅酒味嘅紅酒啤梨同berries,係一個幾fresh嘅飯後甜品。 因為冇飲品😂,所以叫咗杯mix berries,酸酸甜甜好清新,飲落冇負擔,係好健康又好飲既smoothie ! 味道👍 :8.5/10 CP值💰:08/10 環境🍽 :08/10 #acquasala #acquasalahk #central #soho #tiramisu #pannacotta #impossibleburger #foodloversdiary #nearD好西 #上環 #上環美食

Related Feeds

特務打爆機《不專業影評》 聽日戲院就關門...... 希望快啲開返,呢套真係不容錯過! 今次呢套係韓國第一部以劫機為題材嘅喜劇,比起外國的劫機片,這一部明顯輕鬆很多,適合一家大細入戲院睇👨‍👨‍👧‍👦。女主角美英外表是一名平平無奇的家庭主婦,想不到她曾經居然是一名來自北韓的特務,而這次劫機事件便是為她而設的…… 個人很喜歡這部劇中的人物塑造,無論是主角還是配角,性格十分鮮明而且很有個人特色,容易令人留下深刻印象🤓。例如劇中的空少,他舉止行為誇張, 笑料百出,顛覆了大家對空少的印象🤣。又例如是女主角的丈夫,外表憨厚老實,實際上亦是另有身份🤔。甚至乎是劇中一個小人物,他的身份亦會令你意想不到,充滿驚喜,很大程度上令這部戲生色不少。 而在整部戲當中亦出現了多次劇情反轉的情況,暗藏玄機,未到最後一刻亦難以預測會發生什麼事😛。除此以外,劇中笑位非常多,亦相當到位,緩和了劇中緊張的氣氛,特別是反派角色中加插了一名臨時"員工"🤪,令到整件事變得不那麼嚴肅,亦為觀眾帶來不少歡樂。 如果大家喜歡看喜劇的話💁🏻‍♀️,這部戲你們一定不能錯過。 #特務打爆機 #影評 #kkyy影評 #foodloversdiary

~奈雪の茶~ 最近因為夜晚無得堂食,kk同yy真係少左一齊食飯😂呢日終於約左出黎去山頂行山😂順便試左呢間奈雪之茶,感覺都ok 楊枝甘露寶藏茶($3️⃣9️⃣) 佢份量都真係唔細👍🏻好足料👍🏻芒果多多,而個底就係滿滿嘅啫喱😊佢飲落唔算好甜,但芒果味好濃好香👍🏻細細咁品嘅話仲飲到淡淡嘅柚子味同茶味👍🏻👍🏻整體飲落真心好夾又唔會好膩❤️行開想飲野呢個會係一個好選擇。 味道👍 :08/10 CP值💰:08/10 #奈雪の茶 #楊枝甘露寶藏茶 #楊枝甘露 #foodloversdiary #CNY #山頂 #nearD好西

~ 只zi ~ 今次就去左呢間叫只zi嘅cafe啦🙈食物嘅質素個人感覺都唔錯,同埋佢嘅環境好啱同朋友傾計👍🏻係一個都算幾值得去試嘅樓上cafe 水牛城雞翼配藍芝士醬($5️⃣8️⃣) 呢個係呢餐入面嘅最愛🙈因為佢個醬汁真心幾正👍🏻食落酸酸甜甜又帶點辣❤️❤️加上啲雞翼佢炸得都幾正常👍🏻所以食落都令人覺得幾開胃幾惹味👍🏻不過佢唯一不足嘅係佢基本上食唔到藍芝士醬嘅味道😂所以個人覺得呢點有少少可惜 香烤櫻花蝦新鮮大蜆牛油香蒜意大利麵($9️⃣2️⃣) 呢個意大利麵都唔錯👍🏻大蜆食落都算正常🙈意大利麵又煮得啱啱好👍🏻最重點嘅係佢真心好香蒜味👍🏻食落啖啖都有香蒜嘅味道🙈🙈雖然相對其他比較油少少,但整體食落都唔錯😊值得一試 脆焦糖抹茶卡布奇諾 ($6️⃣0️⃣) 呢杯飲品都幾唔錯👍🏻焦糖味好夠香好夠甜👍🏻飲落仲食到少少脆焦糖💕而且杯飲品嘅抹茶味超級夠👍🏻但因為有焦糖嘅甜味中和,杯抹茶濃得黎又唔會太苦❤️❤️兩者真心幾夾 味道👍:07/10 價錢💰:07/10 環境🍽:09/10 #只zi #樓上cafe #文青cafe #foodloversdiary #尖沙咀 #尖沙咀美食 #nearD好西

香港地圖 ※必食必玩必買※ 😎

兩位90後女仔 : KK🐱& YY🐑 Open🍚LV3 平時鐘意食野同去旅行✈️ 🇭🇰🇨🇳🇹🇼🇰🇷🇯🇵🇬🇧🇹🇭🇦🇺🇮🇹🇵🇱🇵🇪 同大家分享各國美食😍 ig: food_loversdiary

香港地圖 ※必食必玩必買※ 😎

food_loversdiary

177 Followers

3 Followings

228 feeds

food_loversdiary

小熊維尼

12 Followers

5 Followings

269 feeds

小熊維尼

China

Hong Kong

New Territories

Sha Tin District

Sha Tin District

Kau To

Ma Liu Shui

Station Road

Chinese University of Hong Kong