早幾日講起姜濤咁大迴響，我趁機會再延伸一下。有見姜濤同 MIRROR 喺叱咤頒獎禮上大放異彩，呢班偶像背後的造星者正正就是花姐。有睇開「全民造星」你就會發現花姐嘅Character 好鮮明：霸氣、一針見血、有佢講無人講、眼光獨到。不妨 FF 下，你又想唔想花姐做左你上司？ 花姐喺造星節目中，說話非常直接，不留情面，不少參賽者都比佢鬧過。「一分半鐘揀咩人做星？一係靚仔，一係唱歌唱得好，一係跳舞跳得勁，唔係睇吓你隻歌好唔好聽！」但毫無疑問，花姐嘅 comment 直接得黎係中 point，可能在電視行業有段時間，所以佢好快就知道邊啲表演 hit 到觀眾，邊啲可以製造到 noise，確實呢種 talent 唔係人人有。喺職場上，有無遇過呢一類型上司？如果你做事吃力不討好，佢會直接否定你嘅付出，但佢 mean 得黎同時間係真心想你好。如果對你無期望，無親無故點解要教你先，有個睇得透成件事嘅人係側邊，可以走少好多冤枉路。 另一樣值得一提，就係花姐認為你唔適合娛樂圈呢行飯，都會提議你做其他新嘗試，突破自己舒適圈。如果有個上司 hard time 你嘅同時，比到實際的建議去改，你受到的話，無疑可以令你急速成長。 講完一大輪，重點：你又想唔想有個好似花姐嘅上司？ #全民造星 #MIRROR #花姐 #姜濤