由有「日本國民老婆」之稱嘅新垣結衣同星野源主演嘅人氣日劇《逃避雖可恥但有用 加油吧人類！新春特別篇》，日前喺日本播出，本來大台買入版權，安排喺今晚（1月6日）播放，之前大台亦有做網上宣傳，近日有網民發現套戲突然被消失，連宣傳圖片都唔見晒，但大台並未解釋係咩原因。 由於劇中有場戲講結衣BB已經做媽咪，佢喺屋企同老公星野源一齊睇電視新聞，畫面就提到新冠病毒爆發於中國武漢，有指套戲臨時被抽，疑係大台自我審查作臨時調動。 講真大台冇人想睇，但套劇本身唔錯，討論度好高。越嚟越受歡迎嘅商台新貴DJ阿正，今日就喺自己主打節目《一位呀唔該》，大篇幅介紹《逃》劇嘅貼地內容同埋感受添。 #新垣結衣 #星野源 #逃避雖可恥但有用 #逃恥 #逃げるは恥だが役に立つ #あらがきゆい #Aragakiyui #ほしのげん #源くん #源ちゃん #Hoshinogen #CCTVB #武漢肺炎