呢個校長真係好垃圾！😡 應該換左個校長佢啦😡 天水圍東華三院李東海小學女教師林麗棠疑不堪工作壓力，前年3月6日在校內墮斃。與林相識20多年的教師郭靄怡，接受死者家屬代表律師盤問時直言，時任校長羅婉儀不但與教師關係惡劣，暗喻老師是「垃圾」，亦不喜歡家長和學生，曾當眾與家長吵架，並將學生叫上台如箭靶般批評。郭更透露，羅曾向教師揚言「對人仁慈就係對自己殘忍，所以我對你哋殘忍」。羅又要求教師在10號風球回校，更對教師稱：「如果中途死咗，保險咪會賠畀你哋囉。」 日前聆訊透露校內教師對羅的評分越來越低，評分滿分為5分，羅的評分由起初的3分跌至2.5分。郭坦言教師把羅的種種行徑看在眼裡，「老師眼睛係雪亮」，所以才對羅的評分這麼低，並謂：「呢啲係林老師死之前填，如果事後可能零分。」 郭舉出羅多次對教師口出惡言的例子，例如羅曾向教師揚言：「我話之你出面搵其他工，我冇所謂呀，我當送舊垃圾出去。」羅又曾對教師謂：「對人仁慈就係對自己殘忍，所以我對你哋殘忍。」當羅獲悉遭匿名投訴後，她又向教師表示：「你哋又告密、又寫投訴信；我係音樂碩士、英文碩士，去邊人哋都係請我做校長，你哋CM（文憑老師）嚟㗎咋。」 羅又曾要求教師在8號或10號風球時回校，「你哋老師要返嚟開門；如果中途死咗，保險咪會賠畀你哋囉」。羅更在教職員大會上稱沒空看報紙找校長空缺跳槽，「你哋搵到同我講」。 除了對老師態度惡劣外，郭稱羅對家長和學生態度也不好。郭透露羅曾於禮堂與家長當眾吵架，需要主任介入調停「拉開」。 郭又謂校長曾與一名二年級足球代表到日本交流，但該名學生因受傷而拒絕合作參加活動，羅返港後不斷表達不滿，「話好冇面好難受，唔聽佢講，樣子唔可愛」，更當著所有學生面前叫該名學生上台，斥責謂：「你發脾氣，下次唔好喇。」郭坦言看到這些事情感到很難過，因作為教育工作者，理應有耐性地教導學生，而非如羅般「搵佢（學生）上嚟好似做箭靶咁踐踏佢」。 郭接受教協代表大狀盤問下透露，羅曾邀請校內人士分析評分數據，當時以為對方不會觸及校長所得的低分，但對方竟坦言因看到校長評分低而感到擔心。郭稱當時大部份教師「喺心入面鼓掌」，因他們作為老師，根本沒有表達不滿的渠道。 另一與死者相識多年的教師吳婉萍亦供稱，羅習慣「一言堂」，很多時不顧教師反對，一意孤行，又常在會議期間打斷教師發言。惟吳認為，教師沒有任何渠道投訴校長，「冇人夠膽同校董會講，因為校長本身都喺校董會」。聆訊繼續。 hk.appledaily.com/local/20210104/RW4QHW4TKZECZLAU3FZF3NR4VQ #天水圍 #李東海小學 #教師墮斃 #城中熱話 #網絡熱話