呢幾日都係留喺屋企無出街，個人就嚟癲😭突然好想食砵仔糕又廢事出街買，所以就自己嘗試一下整😐有朋友話整到好似鮑魚！我同意嘅，賣相確係有啲樣衰......味道唔錯就得啦🤣大家都可以跟我一齊整，鬥似鮑魚！（我唔鍾意食紅豆所以無落🤤） 食譜✨（兩個迷你或一個正常size） A：粘米粉38g 澄面3g 水46g B：黑糖20g 片糖22g 水80g 做法✨ 1. 將材料A溝好備用 2. 材料B滾熱直到糖完全融化 3. 將滾熱嘅材料B倒入材料A，輕力攬拌 4. 將碗仔隔水蒸熱，再搽一層薄油 5. 將混合物倒入碗仔，大火蒸13分鐘 6. 冷卻後取出便可 小貼士✨ 1. 片糖要切到有咁細得咁細，否則啲水蒸發晒片糖都未溶。 2. 蒸熱碗仔可以令砵仔糕中間凹陷。 ♥️請𝚏𝚘𝚕𝚕𝚘𝚠個人𝙸𝙶 : @150cmevita & @hkfoodievita 𝙵𝚊𝚌𝚎𝚋𝚘𝚘𝚔 𝙿𝚊𝚐𝚎：150cmlittlegirl ———————————— #香港美食指南 #美食推薦 #砵仔糕 #香港地道美食 #食譜 #甜品