米氣 YY一向好中意日式西餐😜,而佢呢度係每樣餸唔同價錢,自己拼個set出嚟,選擇超多🤩,真係揀咗好耐先落到單。 海苔醬日本米($1️⃣7️⃣) YY都係第一次食海苔醬,咸香十足,用嚟撈飯一流,我都好想買枝返屋企😋。我仲加咗8️⃣蚊配湯同埋漬物,湯係自己煲既,幾好飲,但漬物太酸唔啱我。 蕃茄味噌豆腐漢堡($3️⃣8️⃣) 主食就叫咗呢個,成粒波咁😁,佢蕃茄同味噌味都好重,個味道都偏濃,幾好食,但唔中意食椒既人士請注意💁🏻‍♀️,佢都幾多椒下。 明太子厚蛋燒($2️⃣8️⃣) 呢個我同朋友就唔同評價了,我個人唔太中意,因為佢冇咩味🙈,蛋味唔夠出,但朋友覺得好好食🤣,可能因為我同佢口味真係好唔同。 忌廉蟹肉餅($2️⃣6️⃣) 新鮮即炸即蟹肉餅真係幾正,佢入面係流心😍,好重洋蔥味下,真係好creamy,不過蟹肉就唔係好食得出了。 炸蓮藕脆片($1️⃣8️⃣) 我宣布呢個係全場最佳! 沒有之一,只有唯一😍。本身冇諗住叫,但個豆腐漢堡上面插咗2塊蓮藕,一試之下,驚為天人! 🥳 好食過薯片多多聲,佢好薄,炸得超脆之餘仲食到蓮藕既鮮甜味😚,真係冠絕全場! 其實佢個南蠻炸雞都好正,而且佢間唔中會轉下菜式💁🏻‍♀️,保持新鮮感,又可以食到當季既菜,都幾唔錯。 味道👍 :08/10 CP值💰:8.5/10 環境🍽 :09/10 #米氣 #Maihei #黃埔 #黃埔美食 #foodloversdiary #nearD好西

Related Feeds

~奈雪の茶~ 最近因為夜晚無得堂食,kk同yy真係少左一齊食飯😂呢日終於約左出黎去山頂行山😂順便試左呢間奈雪之茶,感覺都ok 楊枝甘露寶藏茶($3️⃣9️⃣) 佢份量都真係唔細👍🏻好足料👍🏻芒果多多,而個底就係滿滿嘅啫喱😊佢飲落唔算好甜,但芒果味好濃好香👍🏻細細咁品嘅話仲飲到淡淡嘅柚子味同茶味👍🏻👍🏻整體飲落真心好夾又唔會好膩❤️行開想飲野呢個會係一個好選擇。 味道👍 :08/10 CP值💰:08/10 #奈雪の茶 #楊枝甘露寶藏茶 #楊枝甘露 #foodloversdiary #CNY #山頂 #nearD好西

~逸東軒~ Book咗枱同媽咪去食飯,我哋一共叫咗5款點心同埋一份商務套餐(一位用),結果當然食唔哂🤣,要打包走,埋單600蚊,以酒店價格嚟講,我覺得合理🤪。整體用餐體驗唔錯,下面簡單同大家介紹下~ ✅ : 1️⃣京蔥和牛酥餅 真係必叫,非常好食😍。肉汁好多,皮夠薄夠酥脆,一咬開勁多餡,媽咪食完大讚。 2️⃣酥皮叉燒焗餐包 雖然叉燒份量唔多,但都好值得叫嚟食,佢個包好漲卜卜,個皮做到好鬆化😚,新鮮熱辣好好食。 3️⃣春風得意脆皮腸粉 佢係一層腸粉皮包住蝦春卷,第一次見呢個配搭,又幾唔錯😝,外軟內脆。 4️⃣話梅車厘茄 呢個真係不得了😍,好特別,食落酸酸甜甜,話梅味好濃,超開胃,3粒唔夠食,如果佢有一碟叫,我一定要叫一碟,超好食! ❌ : 1️⃣ 豉汁煎鳳爪 呢個真心唔掂😨,係我食過最差既豉汁蒸鳳爪。一上嚟隻色望落都唔掂,唔夠上色。食落有陣雪味,味道都唔夠,又唔夠淋,我哋食咗一條已經唔想再食🙃,希望佢會改進下。 其他野我哋覺得都唔差,不過冇咩大驚喜,商務餐正常水準發揮,希望快d開返晚巿堂食😭,想試下佢夜晚啲小菜~ 味道👍 :08/10 CP值💰:08/10 環境🍽 :07/10 #逸東軒 #逸東酒店 #yattungheen #eatonhotel #foodloversdiary #neard好西 #佐敦 #佐敦美食

. ~ squarestreet KAFEE ~ 今次去咗呢間賣瑞典野既cafe🤣,佢同我想像中唔同,有一種家的感覺,好寫意。 Strawberry fields ($7️⃣0️⃣) 呢杯野好fresh,質地比較"杰",佢加咗士多啤梨,香蕉,牛奶,仲有少少柚子香👻。士多啤梨味好重,超足料,佢唔單止好飲,其實都幾飽肚下。 Satisfaction ($7️⃣0️⃣) KK中意strawberry fields, YY就中意呢杯satisfaction 多啲🤭。雖然佢加咗花生醬,但佢質地比較稀,飲落都唔會漏,估唔到又幾好飲。 Chocolate ball ($2️⃣5️⃣) 聽講呢粒波係瑞典野嚟😚,唔好睇佢細細粒,佢好實,入面有好多椰絲,甜味啱啱好。 Cardamom bun ($3️⃣5️⃣) KK超中意呢個包! 差唔多成個係佢食哂,我就覺得幾特別,因為我都係第一次食豆蔻🤣,好有趣。 味道👍 :08/10 CP值💰:7.5/10 環境🍽 :8.5/10 #squarestreet #squarestreethk #squarestreetkaffe #foodloversdiary #西營盤 #西營盤美食

香港地圖 ※必食必玩必買※ 😎

兩位90後女仔 : KK🐱& YY🐑 Open🍚LV3 平時鐘意食野同去旅行✈️ 🇭🇰🇨🇳🇹🇼🇰🇷🇯🇵🇬🇧🇹🇭🇦🇺🇮🇹🇵🇱🇵🇪 同大家分享各國美食😍 ig: food_loversdiary

香港地圖 ※必食必玩必買※ 😎

新界牛

163 Followers

19 Followings

307 feeds

新界牛

food_loversdiary

177 Followers

3 Followings

228 feeds

food_loversdiary

China

Hong Kong

New Territories

Sha Tin District

Sha Tin District

Kau To

Ma Liu Shui

Station Road

Chinese University of Hong Kong