~Hotel Icon~ 之前食過Hotel Icon既中菜廳,感覺幾唔錯,今次就試下佢個 #巴黎之約浪漫下午茶,睇下質素如何。呢個tea set都唔算平,2個人要688蚊加一😳,外型係巴黎鐵塔,賣相都唔錯。不過啲食物質素就比較參差喇🤪,唔係樣樣都好食。 ✅: 1️⃣英式傳統鬆餅 好鬆軟,好香牛油味😚,配埋clotted cream and jam,真係無得頂。 2️⃣英式芝士多士 好脆,好濃芝士味,係咁多款鹹點當中表現最好嗰款。 3️⃣意式士多啤梨芝士玫瑰撻 中意佢有唔同層次既味道,外層花瓣偏甜,但入面偏酸,兩者加埋一齊嚟食,味道啱啱好~ 4️⃣雜莓心形朱古力 佢用咗黑朱古力,啲慕斯酸酸甜甜,唔錯。 5️⃣意式雲呢拿奶凍 個人最中意呢款甜品😚,好重雲呢拿味,佢比平時食既奶凍稀,但奶味依然重,啱哂我。 ❌: 1️⃣焗火腿芝士三文治 佢喺一塊好乾既西多士上面配咗一塊parma ham,乾到冇人有🙃,又冇芝士味,我情願食普通芝腿治。 2️⃣香草鮮茄芝士串 又唔可以話佢伏,但好hea🤨,佢用咗片塊芝士,唔講會以為係野餐啲小食。 3️⃣士多啤梨馬卡龍香檳啫喱 呢個係全場最伏😡,我未食過咁難食既macaron。切開嗰下都知中伏,勁甜勁硬,冇杏仁味,我冇諗過酒店出品既macaron可以咁難食。 整體嚟講普普通通喇,呢個價真係貴咗啲,食物質素冇想像咁高,不過佢呢個tea set會送la maison du chocolat😍,開心返少少。 味道👍 :07/10 CP值💰:06/10 環境🍽 :09/10 #themarket #hotelicon#hoteliconteaset#green#唯港薈 #hoteliconhk #foodloversdiary #nearD好西 #尖沙咀美食 #尖沙咀 #酒店下午茶 #下午茶 #愛情 #love #情人節

Related Feeds

~Asiri~ 其實呢間好耐之前食過,不過今次再食我覺得比上次好食🤣,款式都多咗。 雞髀湯咖喱($1️⃣1️⃣8️⃣) 套餐配咗一杯飲品、湯、沙律同埋主食。 個雞湯我就唔推薦啦,係唔好飲嘅味精湯😅,不過個沙律都OK,同平時食嘅薯仔沙律差唔多味。 個雞髀湯咖喱好多料,佢個雞髀煮到好淋,入口即溶,不過味道比較淡。而佢其他配料就好新鮮😍,啲蔬菜勁鮮甜,不過個西蘭花🥦炸得耐咗少少,所以比較油。 蝦湯咖喱($1️⃣3️⃣8️⃣) 之前嚟嗰陣時係冇蝦湯咖喱,所以今次特登試吓。 比起雞髀,我覺得蝦湯㗎呢個湯底更加鮮甜,可能係因為加咗蝦嘅緣故🥰。除咗個湯有蝦之外,另外仲配左蝦天婦羅🍤,感覺超滿足,如果要我二揀一,我會推薦蝦湯咖喱多啲。 味道👍 :8.5/10 CP值💰:08/10 環境🍽 :8.5/10 (環境幾好) #asiri #湯咖喱 #咖喱 #asiricafehokkaido #asiricafe #nearD好西 #foodloversdiary #鰂魚涌 #鰂魚涌美食 #放假做咩好

米氣 YY一向好中意日式西餐😜,而佢呢度係每樣餸唔同價錢,自己拼個set出嚟,選擇超多🤩,真係揀咗好耐先落到單。 海苔醬日本米($1️⃣7️⃣) YY都係第一次食海苔醬,咸香十足,用嚟撈飯一流,我都好想買枝返屋企😋。我仲加咗8️⃣蚊配湯同埋漬物,湯係自己煲既,幾好飲,但漬物太酸唔啱我。 蕃茄味噌豆腐漢堡($3️⃣8️⃣) 主食就叫咗呢個,成粒波咁😁,佢蕃茄同味噌味都好重,個味道都偏濃,幾好食,但唔中意食椒既人士請注意💁🏻‍♀️,佢都幾多椒下。 明太子厚蛋燒($2️⃣8️⃣) 呢個我同朋友就唔同評價了,我個人唔太中意,因為佢冇咩味🙈,蛋味唔夠出,但朋友覺得好好食🤣,可能因為我同佢口味真係好唔同。 忌廉蟹肉餅($2️⃣6️⃣) 新鮮即炸即蟹肉餅真係幾正,佢入面係流心😍,好重洋蔥味下,真係好creamy,不過蟹肉就唔係好食得出了。 炸蓮藕脆片($1️⃣8️⃣) 我宣布呢個係全場最佳! 沒有之一,只有唯一😍。本身冇諗住叫,但個豆腐漢堡上面插咗2塊蓮藕,一試之下,驚為天人! 🥳 好食過薯片多多聲,佢好薄,炸得超脆之餘仲食到蓮藕既鮮甜味😚,真係冠絕全場! 其實佢個南蠻炸雞都好正,而且佢間唔中會轉下菜式💁🏻‍♀️,保持新鮮感,又可以食到當季既菜,都幾唔錯。 味道👍 :08/10 CP值💰:8.5/10 環境🍽 :09/10 #米氣 #Maihei #黃埔 #黃埔美食 #foodloversdiary #nearD好西

《保養品用後感》 #kiehls美白淡斑精華 呢個枝美白淡班精華kk都用左好耐🙈用落感覺真心都幾有效🙈雖然唔係好保濕但美白嘅效果又唔錯😂所以同其他精華比唔係好建議當保濕精華用😂不過如果你想買一枝美白精華,kk建議你可以試下佢👍🏻因為真係會見到白左😂但如果你想要淡班就佢就未必幫到你啦😂😂 性價比✴:8/10 推薦度❇:8/10 #kkyymakeup #foodloversdiary #疫轉人生 #美妝 #護膚品

香港地圖 ※必食必玩必買※ 😎

兩位90後女仔 : KK🐱& YY🐑 Open🍚LV3 平時鐘意食野同去旅行✈️ 🇭🇰🇨🇳🇹🇼🇰🇷🇯🇵🇬🇧🇹🇭🇦🇺🇮🇹🇵🇱🇵🇪 同大家分享各國美食😍 ig: food_loversdiary

香港地圖 ※必食必玩必買※ 😎

新界牛

163 Followers

19 Followings

307 feeds

新界牛

food_loversdiary

177 Followers

3 Followings

228 feeds

food_loversdiary

China

Hong Kong

New Territories

Sha Tin District

Sha Tin District

Kau To

Ma Liu Shui

Station Road

Chinese University of Hong Kong