龍

新年流流講鬼故... 拜年時, 同親友講開去旅行想揾伴的事, 之後就勾番起以下回憶: 話說十幾廿年前, 我讀緊中二/三, 暑假同屋企人一家五口, 跟團去星馬旅行. 酒店分房, 因為單數凸左我出來, 話晒都12-13歲大個仔, 要學習在陌生環境中學習"獨立", 所以爸媽就要我要跟另一單數家庭(一家三口)的爸爸同房. 第一晚, 在馬來西亞, "人地爸爸"初頭都按編排跟我同房, 但到11:00PM左右, 佢的家人打電話來, 大慨好似話佢個囡妞計之類, 叫"人地爸爸" 返過去同家人訓. 因此, 變相我一個人獨佔一間雙人房, "人地爸爸" 臨走時循例問我有無問題 / 驚唔驚, 當時年少氣盛, 覺得自己大個仔, 唔衰得, 明明驚都要死撐, 硬著頭皮話無問題... 於是, 佢匙卡都無攞就走了. 佢一走, 就顯得間房特別靜, 我本身都細曕, 疑神疑鬼, 媽臨訓前都走來我房睇一睇, 問兩句之後拎左另一張匙卡走, 就回房了. 就咁樣, 我開始正式一個人睡 (其實我沒有睡, 也沒打算睡, 因為怕生保, 又疑神疑鬼, 就諗住眼光光睇電視等天光先訓) 我仲好記得當時電視播緊足球, 係利物浦, 奧雲啱啱冒起的年代.... 場波打到兩點幾, 電視轉播其他體育節目, 但因為唔係我有興趣的體育運動, 所以就咁開住電視, 眼光光望天光. 其實都巳經好累好眼訓, 因為環境真係好靜, 所以特別容易聽到平時唔留意的聲, 我聽到D雜聲, 唔算好大聲, 似係隔離房傳來的電視聲 / 人講野聲之類?! ..我唔肯定... 這些雜聲我自己用科學解釋, 係由隔離房傳來, 隔離房的人都未訓, 只係一牆之隔, 咁樣諗令我安定好多, ...我不斷咁樣自我催眠, 安正好多... 不過除左雜聲外, 敲打聲 (肯定排除左唔係傢俬電器熱漲冷縮發的"啪"一聲),幾分鐘至十幾分鐘敲一下, 一時由左邊傳來, 一時由右邊傳來, 聽得出聲源唔係近距離發出, 起碼都由十呎八呎遠發出... 雖然搵唔到原因, 但除左呢D敲打聲, 又唔算係好大聲, 又無其他異樣, 所以慢慢於下警覺, 開始不敵睡意, 眼皮半合之際, 突然一下好應的敲打聲, 我感覺到由我頭頂那個床頭板發出, 好近距離敲左兩下, 我頓時成個人醒晒, 嚇到跳起. 本身都巳經驚驚地, 加上咁樣敲一下聲, 嚇到標尿. 幾要面子都要向爸媽認輸, 於是就打電話去爸媽房, 但唔知記錯定打錯, 第一次打錯(記得係個男人聽, 明顯比我電話嘈醒, 吊晒鬼咁) 第二次再打, 今次我睇住張寫住房號電話的紙去按, ...唔通....再打又唔通... 於是就索性走去敲門, 我開住房門, 走到去禁左一次鍾, 拍左兩下門, 因為都知佢地訓左, 佢地應該訓得好淋, 心態好掙扎. 慢慢個心定左D, 又係面子問題, 就無左拍門, 走返自己房, 返到房, 我坐住係張床度眼都唔斬咁睇電視, 但實在太無聊, 唔知幾時訓著左... 濛瀧中聽到有人不斷講野, 慢慢越來越清晰, 係爸媽叫我個名我開始有意識, 肯定係我爸媽, 開始有感覺, 學比野壓住郁唔到....醒了~ 係爸禁住我上身, 我媽禁住我對腳!!!~ 之後聽返佢地講, 我媽5:00-6:00AM醒左(佢平時都好早醒), 諗住過黎我房睇下我, 佢一打開門, 聽到砰砰聲, 走過廁所前一條小走廊, 入到房內睇到我床位, 見到我用張被好似包春卷咁包住自己, 佢形容我全身好似條魚上左岸咁上下抽搐搖動, 佢想捉住我, 但我好大力, 佢形容完全唔係我平時有的力, 好彩床褥 / 枕頭夠軟, 如果唔係個後腦係咁磡落去, 實穿頭.... 佢完全制止唔到我, 即刻叫埋阿爸過黎, 兩個人都幾乎禁唔住我, 最後我媽要成個人坐落我膝頭度; 我爸成個人騎住我, 手踭禁住我膊頭, 雙手禁住我頭.... 就咁樣叫左我差唔多五分鐘我先醒. 醒來時我發緊燒, 但我訓前無病的.... 我屋企唔算好迷信, 之後無乜後著, 因為時間都仲係好早, 我食左兩粒藥, 訓一訓, 訓到旅行團MORNING CALL時好似都退左燒, 我記得該日都有跟大隊出去玩 打後日子都同爸媽同房, 無事發生...

這樣的Housekeeping超衛生啦！

芭提雅 Pattaya Bikini Beach Race 2020

免費給你啦！

支持明軒!!!