同朋友起碼成年無食飯，今晚去旺角食【火鍋放題】一人一鍋，有9款湯底選擇，有辣有唔辣(不同價錢嘅湯底)，仲有不同價錢嘅火鍋肉類比你揀 我哋揀咗【美國SRF和牛套餐 】$198，另外湯底 +$18【德川大將王豚骨湯】湯底煲滾後，飲番幾口湯，個湯底好香又好飲，仲有好大舊豚骨補下 肉類就要用Qrcode 落單，如果你想食蔬菜、丸類、粉麵就要係攞埋自己枱上個大兜，去自助區揀火鍋配料 除咗火鍋配料，仲有樽裝飲品及汽水機汽水任飲 食完火鍋後，當然要食埋甜品先可以滿足個胃，甜品區蜜糖紫薯及醬油蘿蔔 仲可以自製格仔餅，再加埋個雪糕係格仔餅上面，真係邪惡到爆；唔食格仔餅都可以唧碗雪糕，加啲曲奇碎及脆片，個雪糕一定要食，因為勁滑，奶味仲要唔重，超正 大將 旺角彌敦道700號T.O.PThisisOurPlace地庫FoodYumR1號檔

放假去PizzaExpress買外賣早餐 早餐都有好多款選擇，每款都好吸引，仲可以加 $10 (茶)/$15(咖啡) /$18 (果汁) 餐飲 食 Pizza 做早餐，一個人食哂成個【Breakfast Pizza 早餐薄餅】$78，7吋 Pizza 分開4件，Pizza皮超薄，上面嘅配料勁多，有意大利煙肉、意式肉腸、雜錦蘑菇、車厘茄、馬蘇里拉芝士、巴馬臣芝士、雞蛋和白汁，伴火箭沙律菜 + 切半車厘茄 另一個係【Pizza Quiche 蛋批薄餅】$68，7吋 Pizza，配料有打碎嘅菠菜、洋蔥片、忌廉、雞蛋、巴馬臣芝士和酸忌廉，呢款蛋批好特別，好味道；仲配埋火箭沙律菜 + 切半車厘茄 必食早餐【Italian Frittata 意式焗蛋】$68 ，熱辣辣嘅意式焗蛋好香好味道，配料有好多意大利煙肉片、意式肉腸、雜錦蘑菇每舊都切到好大粒、切半車厘茄，好多配料放埋一齊焗，口感豐富；另外配埋自家製麵包，麵包鬆軟，夾埋意式焗蛋一齊食，更好食 另外餐飲加咗3杯茶 $10 ×3 【Jasmine】、【Camomile】、【Peppermint】 PizzaExpress (皇后大道西) 西環西營盤皇后大道西189號西浦地下3, 5-6號舖