瞓醒見到香港人被代表做咗Chinese，當堂嚇一跳，以為返咗去 08 年 「我係中國人啊hi」 愛國不愛黨，不如愛香港。 我哋係香港人，中國係我哋北面嘅鄰國，simple as that。 一直以嚟，香港同中國喺文化、經濟、社會都行緊截然不同嘅路。呢點冇人會否認。但係當年誤信「民主回歸論」嘅人就係以為，即使有呢啲咁大嘅分歧，香港同中國兩個民族都可以喺「兩制」之下共存。 而家「民主回歸」幻想破滅咗啦，醒下啦。新疆、西藏、台灣嘅教訓就話俾我哋知，你一係就要民主，一係就做中國人，不可得兼。 更何況，經歷完武漢肺炎，全球勢將向中國問罪興師，呢個時候重話自己係中國人，同自尋死路有咩分別？ 鍾意叫人翹埋雙手唔使做嘅人，通常都係因為自己無能先咁講。俾你投完白票，美帝嚟到，一上岸見到你 er er er I’m Chinese 咁倒米，平時國際線 twitter 推幾多個 po 都冇用啦～ 文 // 左翼法西斯 開埠一百八十年四月二十四日 #香港獨立 #主權在民 #兩制已死 #光復香港 #時代革命 #獨派 #香港獨立 #唯一出路 #HongKongNation #hongkonger #hkindependence #國是學會