今晚同朋友相約去尖沙咀見面及食晚餐；呢到嘅裝飾及裝修好型好吸引，外面仲有個露台，但出面落大雨，所以無出去坐；如果無落雨，坐出去個feel會更正，好舒服 同朋友坐咗一陣，首先點咗兩杯飲品，一杯係「Summer $78」入面有Cucumber,  Pineapple Juice,  Lime Juice及 Blue Curacao soda，最頂放咗3片青瓜🥒做裝飾，味道係清新青瓜味，仲加埋菠蘿汁🍍味道好特別；而另一杯係「Autumn $78」入面已放咗Kiwi果肉🥝Lime, Apple Juice及Ginger ale，溝埋一齊清甜好飲 等多一陣，好香嘅Pizza嚟啦「雜錦海鮮披薩 $118」Pizza有8片，皮超薄又香脆，芝士味仲好香，足料嘅海鮮pizza，有鮮甜大蝦🦐魷魚🦑🐙，食到兩個人都LamLam脷，好味到成個食哂添 等約20分鐘「燒烤醬烤豬肋骨配炸洋蔥圈 $188」有兩舊大大舊豬助骨，淋上燒烤醬燒，燒得一啲都唔乾身，肉質仲烤得又淋又嫩滑，最重要燒到骨肉分離，勁易切開；而洋蔥圈仲炸到金黃色，香脆好味，朋友一食就愛上啦，仲可以點埋個醬一齊食 食完主菜，當然要食埋餐後甜品；所以就點咗份即叫即整嘅「熱香餅配焦糖香蕉 $68」Pancake質感鬆軟，淋上莓醬，放上藍莓及士多啤梨，再放埋半條甜甜地哋焦糖香蕉；食完個甜品真係超滿足 Whatever Bar & Restaurant TST廣東道82-84號流尚坊4樓 #WhateverBarRestaurant #bar #restaurant #Autumn #Summer #dessert #Tst #pancake #foodblogger #foodie #foodies #hkfoodies #hkfoodieblogger #happyhappy #bloggers #hkbloggers #influenspace #bloggerlife #yummyfood #是日晚餐