每次經過門口都見到好多人排隊，今日放假就同朋友一齊去排隊食台灣菜 每次去食台灣菜都一定叫番碟甜不辣，今次呢款【明太子甜不辣 $68】有少少唔同，煎過嘅魚餅更煙韌香脆，再加埋明太子醬，令味道更加惹味 當然要叫番碗【溏心蛋魯肉飯 $55】肥瘦均勻嘅滷肉鋪滿曬喺飯上面，滷肉軟滑多汁，撈埋啲飯一齊食真係好正；配埋3片黃蘿蔔同埋半隻糖心蛋 另外叫咗碟【魯肉伴台灣A菜 $75】鋪滿肥瘦均勻香口滷肉，滷肉汁撈埋啲菜好好食，台灣A菜咬落仲清脆爽口，鮮甜回甘 畀個紫色嘅外表吸引住，靚到要打卡【髒髒芋泥鹹蛋黃蛋餅 $85】蛋餅皮層次豐富，咬落酥脆，蛋餅上面鋪滿鹹蛋黃碎及煉奶，蛋餅內裡塞滿滿滿芋泥蓉，味道唔甜，香芋味好出 冬天飲番杯暖笠笠嘅【鮮薑汁撞奶 $55 (熱)】飲完個胃好舒服，味道仲唔甜， 薑味濃郁，奶又滑，真係又香又好飲；朋友就叫咗杯【冬瓜茶鮮奶 $48 (凍)】味道甜甜，奶味濃郁，冬瓜茶加鮮奶，口感香滑 Check-In Taipei 中環蘇豪荷李活道27號地舖 #CheckInTaipei #CheckInTaipeihk #taipei #台北 #台灣 #台式料理 #蛋餅 #芋泥控 #中環 #密密食 #中上環美食 #台灣菜 #hkfood #foodblogger #foodie #foodies #hkfoodies #hkfoodieblogger #happyhappy #bloggers #hkbloggers #influenspace #bloggerlife #yummyfood