《我們的女巫手冊》 睇完《怪誕黑巫后》，又點會放過另外一個女巫主題《我們的女巫手冊》。呢套電影改編自1996年荷里活經典Cult片《魔女遊戲》（The Craft）成功捧紅其中兩個女角。布倫屋製作室（BLUMHOUSE）繼《訪‧嚇》及《隱形客》後嘅「又一力作」。 有噱頭嘅地方係請左真正嘅女巫，除咗指導演員，亦希望可以保持氣場平靜乾淨，確保劇組每個人都在平安嘅情況下進行拍攝。 但係咪就因為請左「真女巫」指導，而限制咗施巫術嘅嗰種戲劇性呢？貪心嘅我期待更勁更誇張嘅魔幻感。 人物描寫方面可以再完善一啲，除咗主角Lily，其他幾個主要角色可以再具體一啲，特別喺佢個女巫團體嘅另外三位成員，背景資料比較小提及。同樣係魔法團體可以參考《漏網之靈》（Dreamcatcher），由幾個主角小時候就開始描寫點樣發現自己嘅超能力，各式各樣吸睛嘅超能力運用等等，成功提升咗成個科幻味道同完整性。 角色描寫延伸故事性嘅疑問。（利申，我冇睇過1996年版嘅電影，可能會影響咗對故事嘅了解）。某幾個重要嘅劇情好多時都突然剎掣再轉向另外一個點，令觀眾產生問號。例如最大嘅奸角，背景神秘，突然奸起上嚟，電光火石之間光速領飯盒。如果想知道更多，可能真係要睇返舊版。 內容方面有吸引嘅地方，例如Lily濫用戀愛巫術識男仔嘅枝節，個頭都開得合情合理，寫到嗰種前後對比，叛逆，青春又神秘嘅戀愛嘅氣息，但卻意猶未盡。 （小小劇透：戀愛魔咒嘅施展方式係非常羞澀，但又好貼切） 總括嚟講，故事節奏快，部分故事內容成為咗斷章。但套戲唔係悶，本身巫術主題已經係一個有趣嘅題材；亦適量插入jump scare，豐富咗成個故事。未必稱得上佳作，但如果好鍾意呢類型主題嘅都一看無妨。 ⭕️適合組群：喜歡女巫系列，女性議題，校園生活，不拘小節，對電影持開放及包容嘅態度 ❌不適合組群：追求結構嚴謹，魔幻大製作 戲外冷知識：不為人知嘅加拿大法例 「假裝施巫術（Pretending to practise witchcraft）」仍屬刑事罪行，呢條法律中寫到任何人佯裝施行或使用任何種類的巫術，或假裝有預測未來的能力，以及用偽科學或神秘學聲稱自己能找到失物藉此來詐財都算犯罪，違者可能得面臨高達六個月的有期徒刑或併科 2,000加幣的罰金。 #小龍女 名稱: #我們的女巫手冊 (The Craft: Legacy) 片種: #奇幻 導演: #ZoeListerJones 主演: #CaileeSpaeny #DavidDuchovny #MichelleMonaghan 語言: 英語 (中文字幕) 上映: 2020年11月5日, Thu (公映) #TheCraftLegacy #TheCraft #BLUMHOUSE #訪嚇 #隱形客 #電影控 #電影 #影評 #電影語錄 #電影推薦 #moviequotes #moviereview #hkig #852 #movie #hkg #電影觀後感 #電影台詞 #hkmovie #instamovies
:background_color(white)/https://avatar-storage.neard.com/1f9f7828d4ff4946b5761cd1e3e4ab28.20201123045746.1606107466.5176.jpeg)