今日，「拜登父子電郵門」出現第二個source。按照新聞報導準則，而家拜登父子嘅醜聞已經有報導嘅基礎，但美國主流傳媒（即喺大家而家仲噏得出名個幾家大牌美國傳媒）全部都冇報導。我搵咗大半個鐘，一篇都冇，但有關侵侵7-8年前喺中國一家銀行開咗個戶口，一直有向中共交稅呢件事就好多間都有報導。唔睇都真喺唔知，原來真喺有美國人比港豬更白痴更低能，覺得做中國生意嘅老闆喺中國唔需要喺中國境內嘅銀行開設銀行戶口。外國月亮同香港月亮根本一模一樣，香港有港豬，美國亦有美豬，而且唔少。 美國大牌主流傳媒將自己幾十年甚至百年嘅名聲，同拜登父子及民主黨綑綁埋一齊，放上今次美國總統大選嘅賭台上面。美國主流傳媒喺咪大選進入最後直路先變得邪惡？當然唔喺，幾年前CNN生安白造新聞抹黑侵侵就已經喺經典例子，只不過美國人善忘咁解。 半年前開始，BLM及左翼暴徒將美國多個城市搞到溶溶爛爛，最近連林肯像都拉冧埋，但美國主流傳媒只喺輕輕帶過，對破壞隻字不提，甚至仍然用peaceful protestors去描述搶嘢及破壞嘅暴徒。好啦，到侵侵委派聯邦執法人員入城維持秩序啦，同一班主流傳媒就話侵侵引發暴力衝突，喺問題根源。點解喺佢哋眼中，侵侵唔做美國總統，美國就會忽然冇晒暴力，忽然間冇晒歧視？答案好簡單：Anything but Trump。 當拜登及侵侵二人分別到搖擺州郡造勢，拜登個邊出席市民好少，但美國主流傳媒唔會影群眾，只會出拜登大頭相，而出席侵侵造勢大會嘅市好墟冚，但呢班傳媒例牌唔出相，只會針對住佢一兩句說話炒蝦拆蟹。當二人分別出席電視直播節目個陣，主持就全程追住侵侵砌，將節目變成批鬥侵侵大會。首場辯論喺咁，之後嘅townhall meeting直播喺咁，相信幾個鐘頭後嘅辯論直播都會喺咁。另一邊箱嘅拜登就輕輕鬆鬆，主持全程任由佢講，只喺間唔中問幾條行貨問題，同香港CCTVB記者喺林鄭記招問林鄭問題一鳩樣。美國主流大牌傳媒莽顧新聞專業守則，但拜登支持者忽然中共五毛上身，只求結果，其餘一概不理。「Anything but Trump」嘛，聽講呢個喺2020年美國第一真理嚟，明晒。 近年經常留意美國傳媒，真喺睇住佢哋一日一日咁變差，但都只喺差，未算壞，要直到「Anything but Trump」呢個美國自由派第一真理嘅出現，美國傳統價值先正式開始墮落。因此，今次呢場總統大選已經唔單單喺換唔換到另一個人做美國總統咁簡單，亦唔單止喺美國對華政策能否持續強硬嘅其中一個分水嶺（註），而喺美國價值觀嘅守護戰。美國價值觀喺人類普世價值嘅重要組成部份，所以亦即喺人類普世價值嘅守護戰！ 傳媒就雙重標準，視醜惡事而不見，佢哋嘅陣營就支持極左暴徒摧毀美國城市及破壞美國歷史文物，領軍人物就戀童嘅，兩父子背後又同中國企業做埋晒一大堆污糟邋遢嘅勾當。爛到咁，美國人仍然投比佢哋，咁美國之後仲點樣將自己嘅精神價值及文化推銷到全世界？當美國人嘅家圍被破壞，個班人全部當睇唔到；當醜惡事被傳媒揭露出嚟，Twitter及Facebook就效法微博極速刪post。喺咁嘅大環境下，Marvel嘅美國超級英雄人物同你講，美國人會企出嚟對抗黑暗，呢個時候你喺咪有少少反胃嘅感覺呢。 註：美國對華政策大方向當然唔會輕易轉向，但拜登上台嘅話，就等於同中共對抗嘅箭頭人物由黃毓民變成黃碧雲。如果變成黃碧雲之後你都覺得冇問題，仲好滿意嘅話，咁我就冇乜嘢可以再補充啦。 #Election2020 #2020Election #JoeBiden #Biden #HunterBiden #Bobulinski #CEFC #Corruption #NYPost #Marvel #CNN #拜登 #特朗普 #侵侵