被《時代》雜誌亞洲版選為亞洲區最佳市區遠足徑嘅龍脊，近日出現一座高如一個成年人嘅木製「3爪」雕塑，山友一見到啲相都好大反應，網上幾乎一面倒劣評，有人就批評「龍爪」似鳳爪多啲。漁護署開設嘅facebook郊野公園教育活動專頁噚晚發帖承認，呢件雕塑喺佢哋人員整嘅，話「龍爪」以颱風吹倒嘅樹木製造，屬試驗性質，專頁話「因為同附近嘅自然環境唔夾，所以已經拆除，之後亦唔會喺呢度出現。因為我哋知道，龍脊嘅靚風景先係賣點」，並hashtag「金翅拜拜鳥」。 #香港行山 #打卡 #行山 #龍脊 #金翅拜拜鳥 #龍爪