#手動傳 最初叫你封關停高鐵截源頭，你就話不切實際，「全世界都唔會咁做」，仲聲言要清算醫護； 全城話要戴口罩，你就叫人「戴咗都要除番」，仲叫香港人話佢知「邊度有得訂口罩」； 豁免廿幾萬人檢疫，你話因為個社會唔可以停，仲話唔係呢班人散播病毒，只是你班人（包括醫學專家）誤解； 室外限聚，遊行集會就高危，但泳池圖書館開番，食肆可以坐幾百人，仲出嚟自吹自擂抗疫有功，唔戴口罩對住鏡頭狂噴口水，結果同一日（7月7日）就爆第三波； 之前明明話病毒只會晚六朝五先至出動，而家又突然話，病毒今個星期三開始會全日24小時活動；有常識都知有問題，你就堅持無問題；到發現真係有問題，就要犧牲所有香港人。 到底香港人前世做錯咩事，要遇上你呢班不知所謂嘅物種？ #香港人繼續自救