【戴咗口罩，先可以進入巴士領域！但凡事總有例外？…】 九巴仔發現，原來好多人都唔知乜嘢喺巴士領域🤔！其實就係指「巴士車廂」、「巴士轉乘處」同埋「巴士總站」呢幾個地方。而家，乘客無論喺公眾場所定係巴士領域，都必須要戴口罩😷！不過總有啲頑皮乘客唔聽車長勸喻，上咗車先偷偷哋除咗個口罩😡！唔戴嘅話，車長係有權要你落車，仲有機會罰錢㗎！ 本來喺巴士領域入面，一定要乖乖地戴口罩！但係...凡事總有例外😶？ 今日，九巴仔碌咗碌Facebook，見到落住大雨，但又有好多人周圍坐低食飯，見到都令人擔心😞…九巴仔都想大家食飯食得輕鬆啲，所以即刻諗到喺3個有蓋巴士總站劃出一個特別位置，擺啲凳畀大家除低口罩食飯，任何人都可以使用㗎！ 凳同凳之間會保持1.5米安全距離，有咩問題都可以搵九巴職員協助，希望幫到大家食返一餐安樂茶飯❤️！不過記住記住，食完飯就一定要戴返口罩啊！ 有凳巴士總站地點： 1️⃣佐敦（西九龍站）巴士總站 2️⃣屯門站總站 3️⃣大圍站總站 日期：明日起（30/7)直至另行通知 (逢星期一至五) 時間：中午12時至下午2時30分 #KMB #九巴 #巴士車廂 #巴士轉乘處 #巴士總站 #巴士總站有凳坐 #食飯唔洗再席地而坐 #食完記得戴返口罩