📸打卡勁靚✨與復古傢具店融為一體的隱世Cafe😍 假日喺香港搵一間寧靜舒適嘅Cafe Chill吓都唔係咁易.......哈😆但又俾我搵到喎🤪 離元朗市中心約20-30分鐘或錦上路西鐵站約10分鐘車程，有一間專門售賣復古傢具及皮箱嘅傢具店，近期兼營埋Cafe，食客可以喺充滿歐式復古風嘅環境下用餐😍重點係店主只接受預約制形式，每個時段只有4-6檯食客，確保環境寧靜舒適，食客仲可隨意走盡全場靚位影相，真係啱晒嚟打卡😍😍 值得一提嘅係餐廳於每日早上採購食材，所以食客必須早一日透過WhatsApp向餐廳落單點餐： 🥞烤雞肉配車打芝士法式可麗餅（$108） 甚少機會食鹹味嘅Crepes，所以呢間隱世cafe有得食係一大驚喜😍 Crepes嘅餡料有雞肉粒同埋大量芝士碎，但亦同時混合了大量椰菜絲及火箭菜，所以一啲都唔覺膩，加埋隻太陽蛋真係perfect👍🏻以我平時嘅食量一定唔會食得晒，但我竟然KO一整碟，朋友都十分驚訝我竟然食得快又食得晒，就知道真係好味啦😋 🍝烤雞肉配車打芝士忌廉醬意大利粉（$108） 朋友諗住意粉應該大碟極都有限，所以出門前就毫無顧忌咁食零食.......點知係份量十足，朋友個肚腩更加突出😆 雖然朋友點嘅意粉都係以烤雞肉及車打芝士烹製，但味道及口感與我嘅Crepes就完全唔同！意粉嘅味道有啲似carbonara，有雞肉碎、蘑菇及煙肉粒等配料，意粉都掛滿了濃濃嘅芝士忌廉醬，味道及口感都ok，但驚喜欠奉😗 ☕️凍美式咖啡（$39） 我一向都不太好咖啡，所以我就無試過啦🤷🏻♀️ 朋友係咖啡愛好者，佢覺得呢杯咖啡係幾好飲嘅，味道比一般coffee shop嘅美式咖啡香濃，如果下次再幫襯，佢係會再點嘅👍🏻 🍹百香水果綠茶（$48） 水果茶好colorful，飲得出係以新鮮百香果調製而成，所以有好香嘅百香果味😍另外仲加咗新鮮嘅蘋果及西瓜，仲有薄荷葉，真係好啱夏天飲，好refreshing👍🏻👍🏻但味道就甜咗啲，所以我自己加咗啲水溝淡咗🤪 另我預約嘅時間係16:30，九成食客係17:30前已離開，如果想大影特影靚相嘅可考慮預約呢個時間😉 #food #foods #foodporn #hkfoodie #hkfoodies #foodblog #hkfoodblog #hkfoodblogger #foodexplorer #hkfood #hkiger #hkiggirl #foodphotography #foodblogger #foodpics #foodgrams #foodies #foody #cafe #café #crepes #chill #打卡 #teatime #隱世cafe #musefurniturelab
:background_color(white)/https://avatar-storage.neard.com/65b82e30d6e303c317b7728426d4a6a7.20200716010856.1594861736.0006.jpeg)
:background_color(white)/https://avatar-storage.neard.com/c23ce071b180edeae48ca4895de76e1f.20201021031205.1603249925.0082.jpeg)
:background_color(white)/https://avatar-storage.neard.com/851c89d70d117928bf3172bf48b37f1c.jpg)
:background_color(white)/https://avatar-storage.neard.com/profile.40313.1637112971706.png)
:background_color(white)/https://avatar-storage.neard.com/2532dd3774a01301e8fdca16a6ba9d83.jpg)
:background_color(white)/https://avatar-storage.neard.com/5c2b0325cb46c125c0de17b21f3d61ec.20201126144352.1606401832.6346.jpeg)