父親節表演之喵春😸 爹哋：今日係父親節，乖囝乖囡你哋有咩送俾爹哋呀？ (喵囝喵囡一齊你眼望我眼傳話...) 喵囡：大佬，宜家點算呀？真係冇準備喎？唔通即刻痾嚿靚屎送俾爹哋？ 喵囝：最衰都係你啦，衰妹，又唔提我父親節到？！你都知唔可以激嬲爹哋㗎啦，如果爹哋以後唔餵我哋食零食好嘢，得番媽咪餵嗰啲少到冇貓有，而且又難食嘅乾糧，咁就世界末日喇！ 喵囡：咩喎？大佬你唔可以賴晒我㗎喎！ (2隻喵喵出手打起來...) 爹哋：嘩！你哋表演功夫，係詠春呀！吖唔係，係喵春先啱。原來我啲囝囡識功夫咁叻叻，仲特登今日切磋切磋，表演俾爹哋睇。爹哋好開心，多謝你哋呢份父親節禮物呀！一陣餵多啲零食俾你哋先得！ 喵仔：阿妹，原來爹哋鍾意睇我哋打交呀！ 喵囡：咁我哋就繼續打啦大佬，反正打完有好嘢食，Yeah！ (父親節快樂呀！各位人哋嘅爹哋～) ⭐如果喜歡我寫的文字，請讚好👍🏻追蹤❤及分享😊 #紋鬼阿布豬 #小小作家 #喜歡寫作 #文字創作 #原創寫作 #網誌 #寫作 #創意寫作 #寫文章 #故事 #隨筆 #作家 #豬 #父親節 #父親節快樂 #慶祝父親節 #父親 #爸爸 #爹哋 #爸爸節 #父親節禮物 #貓 #喵喵 #貓奴 #貓爸 #meow #cat #Father #Daddy #HappyFathersDay

外星喵👽😺 男人：你知唔知點解你個囡咁鍾意瞓喺我個notebook度？ 女人：我諗佢鍾意部電腦暖暖地，夠舒服卦！ 男人：你錯喇，你唔記得咗貓係外星喵，喵星人咩？佢瞓喺電腦上面，其實用電波同佢嘅家鄉喵星球聯絡呀！ 女人：係呀？！咁你知唔知個囡同家鄉講啲咩呀？ 男人：我點知喎？我又唔識喵星話。 女人：我就知呢！佢係同啲同鄉講“我個人類爹哋無腦㗎，以為我用電腦同家鄉喵星球通話。其實我只係想阻住佢用電腦，想佢同我玩咋”。 ⭐如果喜歡我寫的文字，請讚好👍🏻追蹤❤及分享😊 #紋鬼阿布豬 #小小作家 #喜歡寫作 #文字創作 #原創寫作 #網誌 #寫作 #創意寫作 #寫文章 #故事 #隨筆 #作家 #豬 #喵星人 #外星喵 #貓 #貓咪 #貓兒 #喵喵 #貓主子 #貓奴 #貓爸 #貓媽 #貓女 #喵星球 #可愛貓咪 #貓貓 #cat #cute #meow

龍貓龍年生日過元宵🐉 今日是正月十五元宵佳節，中國情人節，亦是我這兩個大寶貝12歲的生日，真是大好日子，要雙重慶祝呀！ 話說前幾天我才想起這兩隻貓咪是2012年出世，那年正正是龍年，原來牠們是龍年寶寶呢。我告訴男人這個驚人發現，男人就平淡地說了一句：「所以牠們兩隻是龍貓。」咦，對呀！龍年出生的貓咪，簡稱就是「龍貓」。想不到男人竟然如此一語中的，厲害！ 所以呢，今天就是龍貓龍年生日過元宵。如此特別的一天，我當然想為兩隻壽星貓好好慶祝一番，可是牠們不是小孩子，不可以帶牠們去什麼遊樂場給牠們大玩特玩。我問男人今天有什麼慶祝節目，然後他再次平淡地回覆：「沒有，都是跟平日一樣。」唉，多麼沒趣的貓爸呀！ 好吧，就等我這個尚算有些小聰明的貓媽出手。我立即想到一個簡單快捷但貓咪肯定喜歡的慶祝活動，那就是由貓爸帶牠們出去逛走廊。其實，新冠疫情爆發以前，貓爸每晚都會跟這兩隻貓咪在門外的走廊逛逛散步，是貓咪每天最期待和最喜歡的自由活動。可是，疫情後因為衞生防疫的問題，我就不再容許這個放貓的日常活動了。雖然現在已回覆正常生活，但是沒有放貓已經成為習慣。今天，我就破例大解放，讓貓爸帶貓咪逛走廊逛個夠吧！ 兩隻十二歲老貓 龍年出世是龍貓 生日撞正元宵節 開心逛街慶雙節 ⭐如果喜歡我寫的文字，請讚好👍🏻追蹤❤及分享😊 #紋鬼阿布豬 #小小作家 #喜歡寫作 #原創寫作 #網誌 #寫作 #寫文章 #故事 #隨筆 #作家 #豬 #正月十五 #龍年 #元宵 #元宵節 #元宵佳節 #中國情人節 #龍年BB #龍貓 #貓 #貓咪 #喵喵 #生日 #生日快樂 #情人節快樂 #慶祝節目 #放貓 #逛街 #貓爸 #貓媽