【袁國勇：全民檢測一啲用都冇】⁣ ⁣ 政府專家顧問袁國勇今早出席電視節目《講清講楚》，他於節目談及本港防疫成效。他透露，發現過去1年約3%要接受檢測的高危群組，其樣本瓶未能測試到人類基因，「即係佢（測試）時畀啲水喉水我哋……我哋攞返嚟應該測到人類DNA，但係無，證明有3%人未能誠實將深喉唾液交返嚟。」估計部份需強制檢測人士擔心一旦中招就無收入，「所以佢哋有啲可能係作弊」。⁣ ⁣ 有建制派要求政府推全民檢測，袁國勇對此有保留，「就算你全民檢測咗，如果邊境都係有漏入嚟，或者冷藏貨物、食物入嚟帶有病毒，如果社交距離措施又全部放鬆晒，又咪一樣再爆，你係咪可以接受每隔一、兩個月做一次呢？」他又批評政府在追蹤個案速度「唔夠快、唔夠有效率」，「香港起碼用一萬個紀律部隊（人），當有病例出現，你能夠即時做到呢個（追蹤）……如果你唔動用咁多人力物力做呢樣嘢，全民檢測係一啲用都冇」。⁣ ⁣ #武漢肺炎 #袁國勇 #講清講楚 #全民檢測