《我在 MK Zone的日子》 當年MK Zone 最受歡迎嘅活動一定係自貼，自貼完仲要 SEND 去「招frd子」，招到乜人唔重要，最重要係要有女！！ 好傾少少一定會話「點呀契妹？」，如果對方應該一句「點呀契哥」就已經踏出成功嘅一步！下一步就係交換電話玩 SMS，所以打死都一定要申請 3HK，一來最多人用，二來同台 SMS 唔洗錢！！SMS 係用嚟平時吹水用，返到屋企一定係用 MSN，MSN 最重要就係 SEND 相，冇返幾張相係手容乜易溝女溝中豬排。 嗰時唔好話執相 APP，就連 PS 都唔係個個人識用，基本上啲相都信得過，不過都有例外。 一種係就角度，明明係 180 磅肥婆都可以影到變成 120 磅靚女，仲唔好提有時成張相得佢個樣同對波。另一種就仆街好多，就係完全假相。今次就係講呢單嘢。 嗰時年少輕狂，約咗個「契妹」出嚟係旺角地鐵站 D 出口下面等，去到 D 出口，行嚟行去幾轉都見唔到「契妹」，淨係見個全盛時期欣宜係度等人咁，心感不妙，企到好撚遠望個肥婆，拎出我部 Sony Ericsson K750i 出嚟，SEND 個 SMS 比契妹問下佢到咗未，點知個肥婆立即拎部手機出嚟，打咗幾隻字，之後我部手機就響啦。 「到左la梨系冰牙>3<」 dllm，肥屍大隻就唔好學人「>3<」啦，原本想 sms 佢話我急屎唔舒服今日嚟唔到，點知佢直接打比我。我部手就響起《我的驕傲》(喺失敗論壇下載的) 鈴聲，條死肥婆一聽到就望過嚟，dllm，咁就比佢認得我，捉住咗。 佢話想行下旺中先，之後去睇戲，問我好唔好，dllm，我淨係想即走！ 佢都未等我應佢就拉鳩住我隻手去旺中。 大家未必行過全盛時期嘅旺中，條路一樣咁窄，但係人數起碼多三倍，條肥婆一入旺中就好似摩西分開紅海咁，啲人立即向左右閃開，但係分開完紅海之反就變成塞屎渠，基本上就係佢一個人塞係路中間。 佢仲要時不時轉頭同我講「BB 行快啲」，仆你個臭街，BB 你老味。 我淨係 FEEL 到身邊啲靚女 MK 妹不停恥笑緊我。最過份係佢行到去衫舖，拎住件細碼小背心問我︰ 「你覺得啱唔啱我？不過我試比你睇好唔好？」 「先唔理你塞唔塞入件衫，你連個更衣室都入唔到呀 DLLM！！！」 我真係好想咁答佢，不過我冇咁答佢，我只係答佢「唔洗啦」，然後我見到個 MK妹店員係後面笑緊，DLLM，真係好想頭也不回飛奔出去，不過見到出面嘅人群，我諗我跑完兩步就會比個肥婆追上嚟拖返我返去。 大家唔好誤會，我唔係驚我走唔甩，我係驚條肥婆撞死人。 終於行完旺中，佢話想去百老匯睇戲，好啦，起碼唔洗見到佢個樣。 去到百老匯嗰時，劃飛仔話最近嗰場得返頭排握手位，天助我也，我即刻同條肥婆講，我對眼唔好，唔可以坐太近，不如睇下場。 劃飛仔話下場要七半，肥婆本身都想買，我立即同佢講，七半我要返屋企同老母食飯，唔太 OKAY，個肥婆仲好唔甘心咁想要買返頭排握手位。 DLLM，迫我出大絕！！ 「呀契妹BB，你咁心急做乜，我哋大把時間啦，第二日再睇囉！」 我見到劃飛仔碌鳩大對眼望住我，我諗大家都係男人，佢都好明白我個困境。好在肥婆一聽到立即放棄抗拒，拉住我對手行返出去。 我打蛇隨棍上，話不如送佢去搭車啦，好在肥婆都生性，話自己坐地鐵走，我就立即話自己坐開巴士，就係銀行中心地面分手，之後我立即坐的士返屋企，因為真係好撚驚係返屋企途中見到佢，比佢夾我返屋企。 DLLM，因為呢單嘢，我成個月都唔敢再去旺中呀。 #AKZONE #MKZONE #討論區 #論壇

你哋做過邊樣？？？ #MSN #SMS #MK #XANGA #論壇 MSN MSN是以前最常與朋友聊天的社交媒體，使用程度應該相等於現在的Whatsapp。以前放學回家都要立即登入MSN，守在電腦前，與朋友們聊天。每傳一個訊息別人就會收到「震動」的訊息聲，常常和朋友們互震，超搞笑。而且每天都會期待著喜歡的人上線，偷偷看看對方線上狀態。MSN其中一個特別功能就是可以顯示聽歌Status，有時候會特意選擇某些情歌，希望喜歡的人會留意到。不過，MSN於2013年停止服務，這些快樂都已成回憶。 同台SMS 以前智能手機還未普及，大家可能還是在用Nokia、LG、Sony Ericsson等的滑蓋手機。那時候沒有Whatsapp，只有SMS，如果你還未回到家用MSN，又不想打電話，就只能用SMS與別人聯絡。而且當時沒有3G、4G，只有分同台與不同台，如果與不同台的朋友SMS是需要收費的，所以那時候會與朋友們一同選擇比較便宜的電訊公司，這樣就算瘋狂SMS都不用擔心金錢的問題！ Xanga Xanga是當時非常受歡迎的網上日誌，那時候幾乎每個朋友都會用它來寫日記，又可以看看別人的分享。而且那時還可以自行設計版面，不少女生都會非常花心思，設計一個最具風格的版面。她們會在網上學習html、製圖軟件，然後製作閃字，真是超用心！現在我們愛用emoji，那時候就喜歡用火星文，例如梨＝你、禾＝我、巧＝好，十分經典。 上論壇招朋友 現在不少人都喜歡上連登，其實以前還有很多論壇都是十分流行的。而且那時候還非常流行上論壇「招朋友」，有些人甚至是招細妹、招細佬，等於現在的交友app。不過，現在應該很少人會這樣做了。 #投票