《廢物女孩👭食の覺醒》 #紅磡篇 🧜🏻‍♀️ 向左碌碌◀️◀️ 💡餐廳嘅建議組合係 米飯+主食+冷菜+溫菜 因為佢全部細細份 所以可以一次過試到好多野食嫁🤪 🧜🏻‍♀️就分返開呢4個組合介紹啦🙈. - 🍴(飯)醬油蛋 HKD22 +海苔醬HKD17 就咁聞啲飯都有飯香味 而且飯粒飽滿分明🍚好蛋人士叫醬油蛋真係無得輸 蛋黃非常飽滿 吉開撈飯食蛋汁非常濃郁 再配上醬油味道咸咸地 正😋海苔醬呢就無乜特別 就係普通紫菜撈飯咁☺️. - 🍴(主)土手燒HKD48 +牛肉壽喜燒 HKD48 土手燒係牛筋腩同魔芋 薯仔整成🥔 食落啲汁比較稠 味道麻麻😶壽喜燒就比較似平時打邊爐食到嘅甜豉油湯底肥牛同蔬菜 無乜特別👅. - 🍴(冷)和風茄子HKD18 +鏗魚汁菠菜 HKD18 茄子同菠菜都新鮮嘅 比較清少少 兩個汁都唔太重味 不過不失🙈. - 🍴(溫) 汁燒鰻魚HKD38 + 炸蓮藕脆片 HKD18 +忌廉蟹肉餅 HKD26 +蔥燒厚切牛舌 HKD32 +宮崎蕃薯餅 HKD32 鰻魚燒得岩岩好 唔錯🌝蓮藕片比較薄身 食落都幾脆 但就無乜蓮藕味 同埋有啲炸得比較燶😛蟹肉餅一切開嘅汁流出黎 食到有蟹肉 忌廉味都幾重嫁🥰到牛舌 我覺得係最好食嘅 厚身得黎一啲都唔韌 配埋蒜蓉食 好惹味喔😋蕃薯餅係期間限定 但我覺得就麻麻啦 因為佢比較似雜菜餅多啲 係幾種蔬菜切絲炸成 得一兩條蕃薯😥. - 🍴(甜品)宮崎蕃薯雪糕 HKD30 +焦糖布丁 HKD28 蕃薯雪糕都係期間限定🍠 勁大杯 雪糕已經好重蕃薯味仲有少少蕃薯蓉起入面 個底仲鋪左幾舊焦糖脆蕃薯起到 好好食 呢個價錢我覺得絕對係值😻 焦糖布丁亦都幾大杯 布丁蛋味濃 再配上面層焦糖一級棒🍮. - 題外話:餐廳主要係以日本家常飯做主題 材料亦都係日本直送 每碟都細細碟 岩曬咩都想試嘅人 同朋友食一次過都可以試到好多款 🧜🏻‍♀️都無諗過4張相都係唔同野食🤣. ✾ 味道覺醒指數: 3/5 抵食指數: 3.5/5 服務指數: 3.5/5

《廢物女孩👭食の覺醒》 #紅磡篇 🧜🏻‍♀️ 向左碌碌◀️◀️ - 🍴北京烤鴨煎餅 HKD45 + 薄脆 HKD3 第一啖咬落去已經見到成堆鴨肉🤩 入面仲有京葱 芫荽 青瓜等等 (偏食🧜🏻‍♀️走左青瓜😹) 醬汁就好似平時食片皮鴨點嘅醬 基本上成舊嘢就好似片皮鴨嘅放大版 熱辣辣好好食🤤 店員每次都會同你講加唔加薄脆 口感會好食啲🌝 🧜🏻‍♀️試過曬加同唔加 嗱真係加左好食 脆卜卜又唔會淋左 係真係正嘅😚 - 🧜🏻‍♀️另外仲食過麻辣雞肉煎餅(HKD39) 似食緊口水手撕雞 都幾有辣感嘅 入面都係同樣嘅配菜😛 同埋其實一件都幾大舊 食完都幾飽😋 ✾ 味道覺醒指數: 3.8/5 抵食指數: 3.5/5 服務指數: 3.5/5 - 煎餅廚房 📍地址: 紅磡蕪湖街83號地下7舖

《廢物女孩👭食の覺醒》 #紅磡篇 🧜🏻‍♀️ 向左碌碌◀️◀️ 🍔漢堡跟餐+HKD25 有汽水 薯條😽 - 🍴經典漢堡 HKD48 足料安格斯牛漢堡扒 雖然煎得略熟 口感上冇咁juicy 但係仍然非常重牛味 同啖啖肉🧐蕃茄 洋蔥 生菜都新鮮 同漢堡扒一齊食可以解膩🤤漢堡包好香軟 就算拎到返屋企 涷左都唔會變得好乾同硬 仲keep到好香嘅牛油味 係一大讚👍 🍟跟餐薯條份量非常多 好彩🧜🏻‍♀️只係叫左一份 唔係一定食唔曬😂雖然唔係粗薯條 但係條條都炸得金黃香脆 放耐左都唔會變得腍 真係會食唔停口🥴 🍴日式漢堡 HKD48 漢堡扒非常厚肉 煎得好香口 再配埋芝士 洋蔥等🧅都唔覺得好膩 呢個漢堡最特別係用wasabi醬 但一啲都唔攻鼻 帶有少少微辣 感覺好夾好好食😋 - 🍴炸水牛芝士 HKD38 拉絲❗️炸得唔錯 最好就當然襯熱食啦 不過外賣攞到返屋企嘅🧜🏻‍♀️ 食嘅時候仍然拉到絲 芝士味都好出 正啊🧀 - 🌼老闆非常熱心地介紹啲野食 大家就易啲揀到想食咩啦🥳 ✾ 味道覺醒指數: 3.8/5 抵食指數: 3.8/5 服務指數: 3.9/5 - Burger Being 📍地址: 紅磡蕪湖街58號金達閣地下1號鋪 #hkfoodie#廢物女孩食物篇#食玩訓#吃貨#相機食先#假期有乜做#香港好去處#情侶好去處#紅磡#漢堡#芝士#burger#travel#play#hkfoodblogger#hkig#hkfood

《廢物女孩👭食の覺醒》 #紅磡篇 👧🏿 向左碌碌◀️ - 🍴招牌錫紙貝殼粉絲 HKD56 +HKD1麻辣 +HKD9冬蔭功蝦球 用錫紙包住好大個咁上檯 視覺上好震撼🤪一打開個錫紙 麻辣嘅香味即刻飄曬出來 令人流曬口水🤤湯底先用左沙白鋪喺底 煮出鮮味 再喺上面加湯同配料 令到成個湯底非常鮮甜👍綠豆粉絲比普通粉絲食落更加爽口 口感分明 同時都好掛湯🙈 配料十分足料有生菜 蟲草花 木耳 仲有大量沙白（👧🏿數到起碼有8~10隻🥳有幾隻沙白直頭成隻湯匙咁大 唔講得少🙈冬蔭功蝦球係出邊好少見 所以👧🏿就好奇加配左🤪其實就似出邊個D蟹籽丸咁 但係冬蔭功味 味道都幾出 有興趣嘅朋友都可以試下🙈 🍴雙拼涼拌小食（手拍青瓜+爽滑木耳) HKD34 青瓜木耳基本上係👧🏿嘅最愛涼拌組合🥳手拍青瓜加上又爽口又滑嘅木耳 淋上秘製醬汁 👧🏿真係食到冇停口🙈 🍴泡椒蓮藕BB HKD35 兩個字❗️刺激❗️蓮藕BB都係出邊冇點見過嘅食材 佢同普通蓮藕嘅口感完全唔同 非常爽脆 冇絲 好似食緊水果咁🥴泡椒超～級入味 佢會辣起個後勁到 食第一嚿個陣都冇乜野 但係第三四嚿就開始"哈C哈C"🤣鍾意食辣嘅朋友一定要挑戰下🙈 💡蓮藕BB有真空外賣包裝 可以買返屋企 想受下刺激個時就開一包食🤣 🍴秘製麻辣無骨鳳爪 HKD48 呢個比起蓮藕BB 對唔食辣嘅朋友就友好好多🙈上一檯見到超紅 但係唔洗怕 呢款無骨鳳爪主打麻香‼️雖然紅到發光 但係一D都唔會太辣 無骨鳳爪都好爽脆🙈唔食得辣嘅朋友就必叫呢款‼️ 🍴外賣限定 蔥油拌麵 HKD13 👧🏿食得七七八八就收到呀媽電話 話要買野佢食🙂一見到有外賣限定嘅蔥油拌麵咁抵食就即刻order左一份🤪雖然只係13蚊 但係都仲有跟兩款配菜 秘製蘿白同萵筍🙈麵本身好彈牙 食落都麻香蔥油味十足 係好好嘅糧尾救星🥳 💡拌麵都有未煮嘅可以成包買返屋企 佢一包有三大扎 俾埋秘製醬料 先40蚊 勁抵食🙈 ✾ 味道覺醒指數: 4/5 抵食指數: 4/5 服務指數: 4/5. - 📍鮮蒲 紅磡崇志街29號地舖 #hkfoodie#廢物女孩食物篇#食玩訓#吃貨#相機食先#假期有乜做#香港好去處#情侶好去處#travel#play#hkfoodblogger#hkig#hkfood #紅磡#川菜#紅磡美食#貝殼粉絲#辣#香港品牌