【 #港式情侶日常 - 鬼滅式愛情：女友版「吹水之呼吸」 】 鬼滅之刃隨住劇場版上映繼續熱潮不減，而家行喺條街有時都會聽到啲小朋友扮炭治郎出水之呼吸啲唔同形態，連男朋友打機，都會聽到佢一邊打一邊好激動咁講：「唯有出炎之呼吸喇咁我」...但其實佢係玩緊PS4隻《蜘蛛俠》嘅........................... 不過唔只動漫有，其實平時拍拖，女朋友都可以出到「吹水之呼吸」，仲有唔同形態，因為佢真係成日都吹水！例如老作型，唔知醒啱啱起身又話出咗門口；屈返你轉頭型，買咗件新衫唔認，屈返你無心肝唔記得佢著過。不過要數到最大殺傷力嘅究極形態，就係反話型，因為佢次次笑住吹水話「我無嬲、唔駛理我、你玩得開心啲」，內心已經剝緊你層皮～～「eh...BB我諗諗吓都係決定陪你，唔去喇（驚）」，唔好開大技住，我錯了... #吹水之呼吸 #鬼滅之刃 #電影 #無限列車 #炭治郎 #香奈乎 #吹水 #動漫 #情侶 #愛 #愛情 #語錄 #香港 #搞笑 #拍拖 #拍拖呢啲事 #港式情侶 #HKstyleCouple