【 #HGC環電 第一批口罩派發地點📍】 我哋知道好多人係其他店舖排隊😣收到大家嘅建議, 所以提早公佈派發地點🙏🏻感謝大家支持💪🏻 第一批囗罩派發之詳情如下: 日期：2月10日（今天） 派籌時間：下午1時30分 派口罩時間：下午2時 地點：旺角砵蘭街234號 派發細則：1. 每位可獲1包(內有10個口罩)，合共1,000個名額，並會以派籌形式進行，額滿即止。 2. 必須親身排隊及領取籌號; 3. 地點視乎路面實際情況更改，如有更改會在專頁公佈; 4. 本公司保留是次活動之最終決定權。 品牌：Sensi 類別：成人適用 物料：3層耳掛式手術口罩; 95% BFE; 95%阻隔0.3um微粒 出產地： 印尼 包裝：1包10個 (唔好介意，由於唔系獨立包裝， 所以我哋重新包裝) #弱弱一提我哋唔係誠哥㗎喇 #叫我HGC環電 #忘記和記Juno #環電 #環球全域電訊 #HGCGlobalCommunications #派口罩 #一齊抗疫 #如果已經夠口罩就留返俾有需要嘅人啦 #未必完美但會盡力

【免費派發6,000口罩之一：「運口罩好比運金條」】 我差點錯過了派口罩的慈善策劃….. 上星期初我收到一個陌生Facebook 信息，對方說他是移居美國40年且不願公開名字的香港移民。雖然離港已久，但他不忍長者冒寒風捱貴價撲口罩，希望捐出手頭上6,000個墨西哥品牌口罩，寄到香港由我分發。 說實話，我與他素未謀面，每日收到的Cold Call多的是，我最初也以為是詐騙信息。心裡最大疑問，是為何偏偏選中我？他說因為看新聞，見到我早前派發自家倉底的100個口罩，對「莫因善小而不為」有深刻印象，因此決定找我。 我還是猶疑，如果要向公眾派口罩，我要向受助者負責，口罩必定有足夠防護功效，於是著對方給我口罩紙盒相片，全是西班牙文大家都不懂，即使Google Translate，資料也未必到位，諮詢何栢良教授意見後，最實際是進行簡單測試。先把口罩剪開，確定是3層，再做滲漏測試，確定通過無誤。最終，我決定幫忙。 下一步是與時間競賽，在美國未阻截貨運往香港前出貨，將三大箱口罩分開三個香港朋友的店舖地址發送，分散寄失/盜竊風險。結果貨物到港，我去提貨時，心情好比運金條，生怕被打劫，駕車運送時緊張到手心冒汗，結果一切順利…… 在此，我非常感激這位捐贈者，感激他選中我協助。我記得佢講過一句說話：「俗語有云：『賺幾多錢唔係你嘅，洗幾多先係你嘅。』正如呢批口罩，其實並不屬於我，最緊要能落入有需要的人手中。」而我則負責購入可重用的密實袋再找家人好友，花9小時做女工重新包裝口罩，及策劃區域花6小時親手派發給長者。 我經常說：「防疫靠民間靠自己」，不只在香港，就連十萬八千里外的人都關心香港，用實際行動協助我們。自己疫情自己幫，幫得幾多得幾多。 明日再談沒有事先張揚下，落區免費分發口罩的感受。 #派口罩 #武漢肺炎 Source: 方健儀fb

#口罩 捐贈排行榜！ 一開閘首先跑出係龍門派1萬個比醫護！好快呀杜生狀態大勇派2萬個比醫護隨後趕上有光榮飲食派60萬比港人呀！轉彎位啦G峰同OK都不甘示弱各出10萬個比社區同長者！嚟到入直路喇好緊張呀！桔梗派15萬再黎誠哥急起直追都係派15萬比長者咦咦咪住先就到終點位突然有人衝咗出黎係呀無眼花呀佢派130萬口罩比長者呀！！臨到終點最後係由古天樂跑出得到第一名，第二名係屈臣氏AKA誠哥，而第三名係桔梗！嘩結果真係出人意表呀！多謝哂咁多位善心人士！！！ #派口罩 #武漢肺炎