Zeno定陳健朗？ 陳健朗型好多啦🙈成熟男先正架嘛😆 #全民造星 #viutv #neardgossip #陳凱詠 #顧定軒 #陳健朗 #殘酷二揀一 ViuTV熱爆節目《全民造星》的參賽者戀事多多，Carmen（關嘉敏）傳背男友天堂鳥成員Gordon，撻着CY（陳澤言）爆姊弟戀，疑戀情見光死；保錡偷食沙律（張沛樂）被正印Carrie痛罵出軌；據知，原來《造星III》參賽者顧定軒（Zeno）都捲入三角戀，女主角是唱《隔離》上位的歌手陳凱詠（Jace），情敵是電影《手捲煙》導演陳健朗。 據知情人士透露，Jace和陳健朗經朋友介紹認識，幾年前曾秘密撻着，還一起去紅館睇張學友演唱會，當時Jace入行不久，兩人還未有知名度，「佢哋一早識，之前曾經拍過拖，直至舊年散咗；而Jace初入行已經同Zeno合作拍嘢，4年前拍《瑪嘉烈與大衛系列：前度》再次撞返先開始friend，之後仲做埋老友，因為當時Jace同陳健朗拍緊拖，所以Zeno同Jace只係好朋友關係，但佢好關心好撐Jace，有乜事都會第一時間幫手。」 本來兩人只是友達以上，戀人未滿，直至後來Jace同陳健朗各有各忙，因少見面感情轉淡分手，Zeno成日陪住Jace安慰，終於展開追求攻勢，據知，去年11月達明一派在灣仔伊館開演唱會，Jace靜雞雞和Zeno拍拖捧場，被同場睇騷的行內人撞破。知情人士透露：「點知後來陳健朗喺台灣出席完金馬獎返嚟，又搵返Jace玩翻撻，始終Jace同佢一齊咁多年有感情，最後都係同陳健朗復合。」 對於Jace被爆陷三角戀，她拒愛顧定軒而跟陳健朗復合，被問到與Zeno是否再見亦是朋友？她以短訊回覆《蘋果》：「我同顧定軒係好朋友，其他就唔回應喇⋯⋯謝謝你！」而Zeno則表示：「佢哋兩個都係我嘅好朋友嚟。」 現年26歲的Jace於前年加入樂壇，做歌手之前拍過微電影《歌度有…3AM》及Viu劇集《瑪嘉烈與大衛系列：前度》、《身後事務所》等；而Zeno與Jace同齡，2014年入行的他，拍過電影《麥路人》、劇集《男排女將》、《那些我愛過的人》，去年參與《造星III》打入20強，其中與Manson（張進翹）的BL演出獲讚賞；而現年30歲的陳健朗既是演員又是導演，2013年被陳果發掘入行，在電影《那夜凌晨，我坐上了旺角開往大埔的紅Van》飾演「白膠漿」角色，執導電影《手捲煙》在第57屆金馬獎獲7項提名。 陳建朗今日接受《蘋果》電話訪問，他表示跟顧定軒同Jace都係好朋友，被問到是否跟Jace拍拖時，他說︰「呢個答唔到你喎。」對於有傳顧定軒追求Jace時︰「唔知喎，呢個你問返佢哋啦。」 hk.appledaily.com/entertainment/20210128/MNAVG2AF5ZDDTMQHHZ3MM4KQJQ