每日提一提大家，中秋就到，買月餅都要揀岩顏色月餅買！ #黃金月餅 #黃店月餅 #黃月餅 #月餅 #中秋節 #黃色經濟圈 #黃店 八店聯乘，雙黃白蓮蓉月餅 每盒$188，一盒四個(每個185g) 餅券於本月30號發售，留言” X盒Thx ” 可優先認購，並於6月28號到各店購買。 *所有利潤將全數撥捐相關團體* #顧客需於購券的相同地點提取 #月餅均印上各店寶號 香港餅房製造，選用台灣蓮蓉，越南咸蛋黃。 製作成本： $120(已包括原材料、設計、印刷等費用)。 至於加工，包裝，網站等巧立名目的費用， 不會另外收費。 運輸成本： 大會暫定Call4Van為唯一送貨公司， 所有運輸成本由八店共同分擔。 每盒月餅總成本約：$120 售價：$188 利潤：$68 預期產量：15000盒 盈利：八店將全數捐出，途中不會產生任何行政費用。 捐款將於活動完成後一星期內捐出。 是次所有收益將按比例全數撥捐以下團體： 612人道支援基金 30% 民間人權陣線 20% 保護傘計劃 20% 高登新聞台10% 忠醫診所 10% 蘋果日報(將會以購買A1形式支持) ————————————————————————— 篩選黃色月餅供應商途中，發現好多月餅既成本價都介乎$60-$80左右，甚至乎更低，眼見黑心、藍海堂、富X都一直賣緊$200以上，先知之前比佢哋呃唔少。 但當初決定搞月餅既時候，有一個概念，月餅並唔係本店既主線，就算做，都唔應該賺盡，後來一位高人提點後，更加明白到唔屬於本業嘅野唔應該謀利，引申到後來決定$1唔賺。 黃色經濟圈在於我個人立場，係應該將賺多左既錢轉向同路人，今次活動捐向既機構普遍認受性/告急情度較高，希望今次為佢哋盡少少綿力。 ps.本人媽媽曾經於餅店打工，知道好多餅店每年只靠中秋節賺錢，所以餅店價錢絕對合情合理，但不包括藍餅店。 車麵館 原汁原味 後街牛扒 茶半香初 新景園咖喱小廚 水門泰式雞飯專門店 陸陸雞煲火鍋 66 HOT POT #光榮冰室 Source: 黃金月餅攻略 charleywong.giffon.io/page/mooncake2020