而家睇返《 #餃子 》，發現當年陳果cast千嬅好有先見之明，只係千嬅 15 年前仲未去到戲中艾菁菁既階段，今時今日應該得心應手。 艾菁菁係一個曾經當紅既女明星，嫁左之後，只係得返個老公作為佢人生目標，一切都係為個壞老公而做，甚至可以埋沒自己既良心，甘願比來自中國 (仲要係文革代表) 既媚姨蠶食價值觀，為強行延續上一代既幸福 (青春)，可以食下一代落肚，即犠牲年輕人，去保住當權既既得利益者。 片中有場拍到艾菁菁睇返自己之前演既戲，不敢直視，除左係因為青春已消逝，最重要其實係佢已經冇左昔日既純真良善。套用返楊千嬅演藝生涯而言，就係睇返《 #新紮師妹 》既方麗娟，但而家既佢已經冇左心口個勇字，真係非常心痛同心寒。 昔日敢接呢種戲去挑戰演技，但做唔黎; 而家駕馭得到，但睇怕佢未必肯再演，寓言處境已經太真實。 除左套入奶共藝人思路去睇套戲，食人餃子本身作為中港同國際政經既暗喻都好微妙，當年唔係太多影迷閱讀得到，但2020年回望，可以睇到中國借香港去同國際資金接軌，正正就係白靈、 #楊千嬅 同 #梁家輝 既三角關係。 原文 facebook.com/groups/lovemiriamyeung/permalink/568657970505107