黑色星期五🛍 女人：今日係黑色星期五，你知我會做咩㗎啦，唔准話我呀！ 男人：咁快又到？！好，我唔話你，不過我都係要叫你一聲“迷信婆”。 女人：你講緊咩呀？九唔搭八。 男人：嗱，宜家係你撩起我話你㗎咋。我咪講咗好多次，叫你唔好每逢黑色星期五就著到咁紅出街嚟擋衰運囉，真係好突兀呀，迷信婆。 女人：先生，請問今日幾號呢？ 男人：今日？等我睇吓先......今日咪26號囉。 女人：係囉，今日唔係13號嘅黑色星期五呀，蠢人。 男人：吓！咁今日點會係黑色星期五呀？你玩我？ 女人：我講緊係美國感恩節後嘅黑色星期五呀！ 男人：人哋美國黑色星期五關你咩事呀？ 女人：唉，既然你咁想知關我咩事，咁我就用行動嚟話你知。今晚你就會見到大量關我事嘅嘢出現，仲有你下個月幫我交卡數就會一清二楚。多謝晒！拜拜！ ⭐如果喜歡我寫的文字，請讚好👍🏻追蹤❤及分享😊 #紋鬼阿布豬 #小小作家 #喜歡寫作 #文字創作 #原創寫作 #網誌 #寫作 #創意寫作 #寫文章 #故事 #隨筆 #作家 #豬 #豬仔 #笑話 #黑色星期五 #美國感恩節 #感恩節 #購物日 #瘋狂購物 #女人天生購物狂 #抵買 #大減價 #折扣優惠 #買買買 #購物 #黑色購物節 #愛購物 #Shopping #BlackFriday