Boxing day 帶媽媽去食素食自助晚餐，店舖位於油麻地廣華街。自助餐價格：午餐 $88/位，下午茶 $68/位，晚餐 $128/位，相當親民，1.5小時任食；仲有素食外賣選擇 今晚食得清淡啲又健康啲嘅素菜食物，素菜類都有二十幾款款式，包括蔬菜類、粥粉麵飯、沙律、脆卜卜嘅炸物、飲品、甜品，每節時段，源源不斷供應，店員仲會攞住特色小食，好貼心咁行哂全場，問食客試唔試，令每一位食客都可以食哂唔同款小食 食物少油少甜，夠哂健康，好食推介有咕嚕合桃，口感香口，好食到停唔到、爽口彈牙辣得惹味嘅涼拌粉皮、溏心蛋流心半熟蛋黃，豐富有層次 最後當然要食埋甜品，一黃一白嘅焦糖燉蛋及燉蛋白，仲有芋頭西米露糖水，今餐食得勁滿足又健康 心裡有素 油麻地廣華街38號地舖 #心裡有素 #油麻地美食 #廣華街 #素食 #素菜 #自助餐 #甜品