因為呢一篇文，港共派出国安狗捉左學生動源 //【抗衡中國民族主義 建構香港民族主義】 讀到一篇立場新聞寫嘅文章，題為"建設民主中國就是放棄香港"，頗有見地。其中一段作者提到: “「建設民主中國」只是源於一種盲目不顧現實的民族主義，因為這種盲目的民族主義，我們才會無視香港人的身份認同其實建立於港英的殖民地年代，無視香港和北方社會之間巨大的鴻溝，也無視本來用來保護這鴻溝不被逾越的一國兩制，變相認同「兩制的前提是一國」這個扭曲的謊言。” 。 的確，港人自幼受到中共洗腦式教育，不斷被灌輸「香港就是中國一部份」的概念，令到某些香港人經常會有一種與中國血濃於水嘅民族主義幻想。更甚嘅係喺某啲科目，港共政權利用呢種概念去塑做一種愛國情懷，藉此淡化港人自身嘅身份認同。以中史科為例，其内容對香港政制及社會發展隻字不提，但對洋人侵略就寫得極之詳盡，甚至要求學生熟讀鴉片戰爭，八國聯軍之役，甲午戰爭嘅詳細嘅經過以及後續嘅所謂「不平等條約」。事實上，除兩次鴉片戰爭以外，香港於其他事件所扮演之角色微不足道，學生根本無需要熟讀清廷受嘅所謂恥辱（八國聯軍之役及甲午戰爭更證明清廷根本先撩者賤），因為當時香港已屬英國殖民地。 歷史科嘅重點，應集中在開埠初期洋人喺香港嘅管治模式，日軍侵略香港，以及其後香港社會經濟起飛，同埋後期嘅政制改革。簡單啲講，香港人讀歷史，應以香港為重點，探討香港如何由一個農村演變為今日嘅國際金融大都會，以及刺激學生思考今日香港所面對嘅問題嘅根源。其當中少不免會談到中國及其千瘡百孔嘅過去，但必需從香港嘅角度出發，方可令時下學生全面認識香港的歷史，從而令學生知道港中有別。偏偏卻有部份學生將中國歷史讀得滾瓜爛熟，談到列強侵華更會氣憤難平，斥責今日西方國家無恥下流，對香港這個家卻一片空白，既欠缺基本的歷史認知，亦冇任何歸屬感，久而久之就會以呢種唯我獨尊嘅大中華膠思想自居，成為不折不扣嘅港豬。 眼見中共及港共政權張牙舞爪，港人更必須自強不息，抗衡多年來在香港植根的大中華民族主義，建構香港民族意識，方可成就香港人最終的命運自主。// facebook.com/1033983876676696/posts/4049980825076971 #香港獨立唯一出路 #香港獨立 #香港人建國 #光復香港時代革命 #光復香港 #時代革命 #願榮光歸香港 #學生動源
:extract_cover()/https://scontent-iad3-1.xx.fbcdn.net/v/t15.5256-10/p200x200/116791798_293941501818428_8473221839975811312_n.jpg?_nc_cat=102&_nc_sid=ad6a45&_nc_ohc=4--Q9z4eRGAAX_o2Jj6&_nc_ht=scontent-iad3-1.xx&oh=d23f2a5c5fb19ecf4075bb0dcdf228f9&oe=5F4A0E17)
:background_color(white)/https://avatar-storage.neard.com/4816fdeff6c69bec54d7603497ca1f5b.20181112073130.1542007890.8901.jpeg)
:background_color(white)/https://avatar-storage.neard.com/479511dc9f86bdad88dff4523b93687b.jpg)
:background_color(white)/https://avatar-storage.neard.com/ef7a7b3e3681d7a01b3fbe7548ecfd96.20190418032945.1555558185.5962.jpeg)
:background_color(white)/https://avatar-storage.neard.com/a02ae6abdbb986041ba72e6b43767dba.20200804031913.1596511153.4616.png)