多倫多

🇨🇦🇨🇦🇨🇦🇨🇦🇨🇦🇨🇦 係加拿大點搵工同人工如何係最經常被問及既問題。體力勞動既工普通office工/skilled office work 餐廳商場鋪頭廢青全部有接觸過，可以分享下如果想搵retail 餐廳等等當然係直接入鋪頭問請唔請人然後擺低cv。雖然加拿大歧視唔嚴重，但一般餐廳/鋪頭都會傾向請返同一類人，例如成間餐廳你見到都係印度人佢地就會傾向請返印度人，聽聞過某連鎖yogurt店老闆係韓國人所以佢地又會傾向請返韓國人，而華人鋪/餐廳又當然會傾向請返華人。所以如果你走去downtown既steakhouse見工佢唔請你都唔需要灰心，可能佢地既target customers係local白人咁佢地都會傾向請返白人多，調返轉asian既鋪亦好少會請完全唔識中/韓/日文既白人。 facebook.com/582924762088608/posts/590497307998020/?d=n 如果想搵文職或者其他唔可以walk in入去擺低cv既工就同香港大同小異都係網上sd cv然後等電話通知interview。廢青同佢既同伴都係用呢個方法成功搵過好多份工。而呢類工就比較少上面講既問題，只要你match到佢地想要既skills佢地都會考慮你。要留意返既係，呢度好興打電話黎約你interview時其實已經好似phone in緊你咁會問你一堆問題，所以可以send CV出去果下就準備定d基本對答。好多人亦會擔心英文問題，加拿大係移民國家，每個職場都會有好多唔同種族既人（所以有時會問what is your ethnicity而唔係where are you from），英文既口音亦都不盡相同，大把人本身識幾種語言而英文唔係佢地mother language，仲未計Quebec本身就係法文先係佢地first language，所以英文講得唔好或者唔係mother language呢樣野對加拿大人黎講真係司空見慣，絕對唔使擔心，肯放膽表達自己先係最重要同香港d job ad一樣，有時寫出黎既要求好harsh 10年經驗呀 excellent communication skills呀其實講到尾都係睇返個工種主力需要咩skills而你又有無呢個skills。同埋好多人都話加拿大人好重視經驗，呢個其實都係真。其餘咩英文好唔好，有無讀過咩野/讀過咩大學都比較次要，所以鼓勵大家本身做開邊行有咩比較有經驗就放膽去試甚至拎緊wh visa未係pr時都無人因為呢個原因而唔請，因為呢度好多人係讀完書或者各種原因拎住work permit留低，佢覺得你有能力好多都會願意之後幫你整visa，當然整唔整到又係後話，係另一個好長既故事。講左咁耐，又係時候介紹下搵工網！ ▸ 比較專業既工種可以upload cv去linkedIn，呢度都好興係linkedIn挖角。唔知咩黎就google下「linkedin搵工」 ▸ jobbank.gc.ca 呢個係類似勞工署既政府搵工網，好處就係好多好多工，缺點就係因為申請LMIA（有機會再詳講）時會要求老闆登廣告係呢個網，變相入面好多工其實唔係真係要請人但都會出現係呢度。 ▸ indeed.ca 搵工必備，非常推薦。（香港都有indeed）呢個網會集齊其他搵工網既post，甚至有時連鋪頭貼出黎既請人廣告都有。 ▸ craigslist.ca 唔同地區有自己既craigslist 有d似kijiji除左搵工仲有唔同既買賣。比較適合搵小型公司/entry level/seasonal既工 ▸ kijiji.ca 同craigslist差唔多，唔知點解加拿大都幾鐘意用kijiji 又係比較適合搵小型公司/entry level/seasonal既工呢度搵工agent廢廢地，可以一試但唔需要抱太大期望。除左以上幾個網之前講搵屋時介紹過既鄰國網都有搵工廣告，但唔係去到絕處都唔好用，因為通常人工待遇都會好差，仲好多時有呃人既agent，氹你比好多錢佢幫你搵工。記住，同買/租屋一樣，agent幫你搵工唔應該係收你錢，你一蚊都唔需要出係公司出！至於人工方面，每個省有唔同既最低工資（例如安省2019年起係$15，即約HKD$90）同唔同扣稅比例。full time一星期返35-40個鐘 part time就返20個鐘，所以entry level既工會比香港同level既工人工高，但一開始進入mid level既人工（>46000 per year）就要扣好多稅加上近幾年加紙跌左好多所以mid level打上既工稅前比香港人工高但扣完稅就變返同香港差不多。要有心理準備扣完稅既人工 entry level大約要打返個8折 mid level就要打返個7折。（有無得退稅同cash job又係題外話） *可參考：canada.ca/en/revenue-agency/services/tax/individuals/frequently-asked-questions-individuals/canadian-income-tax-rates-individuals-current-previous-years.html 利申：每個月人工扣稅差不多扣成2萬HKD 牙痛咁款但政府福利的確好好最後想語重心長咁講，雖然要有心理準備剛移民過黎時可能唔可以一下子做返係香港時既職位，特別係本身係香港有份高薪厚職的話。但！係！亦都唔好因為自己係新移民就妄自菲薄，自己有咩經驗有咩專長做開邊行就放膽d去in下d貌似要求高既工，因為華人普遍都係比較勤力同醒目（呢樣係真），而且o係加拿大係有能者居之，只要你有能力/有用心佢地會好公平咁對你/比高人工/加人工比你，比較少好似香港d老闆咁壓搾你。（華人老闆例外，所以盡量唔好一世打華人工）另外，扣稅雖然好重好肉痛但福利亦都係一流。只要捱過左過渡期就會一切好起來 #移民 #加拿大 #移民加拿大 #技術移民 #經驗移民 #多倫多 #workingholiday #工作假期 #加拿大工作假期 #加拿大workingholiday #加拿大工作 #加拿大搵工