塞車

Feeds

星期五塞車之日常 0908 偉業街往旺角方向，近駿業街有交通意外，龍尾：偉發道，亦影響觀塘繞道往油塘方向左轉落偉業街擠塞，龍尾：啟德消防局。 #馬路的事 #交通意外 #塞車 #撞車

唔係講笑，人生入咗兩次屯門，一次做嘢，一次探人，自此之後唔再入。仲聽朋友講過，佢請咗個住屯門嘅後生仔返觀塘，做咗兩星期就走咗，問佢點解，佢答「我只不過係嚟見下工，冇諗過你真係請我，日日坐兩個幾鐘車……真係唔好玩我。」 #轉 #屯門公路 #259D #塞車 #見工 #觀塘 #龍翔道 #62X 話說今日我要去觀塘見工，聽聞去坐 259d 要好耐, 所以我早左三粒鐘出門口。點知條龍翔道唔生性，我坐撚左成兩粒鐘先落到車。不過唔緊要，都叫做早到，輕輕鬆鬆可以去食碗魚蛋粉，入左去間有啲名氣嘅麵檔。我同個阿姐講要碗魚蛋粗。問題嚟啦，我一夾起粒魚蛋，佢就好似中左輻射咁成粒散開左。我舉手問個阿姐:「乜你啲魚蛋軟淋淋嘅？」個阿姐忽然戰神上身咁起勢屌我︰「屌你老母！魚蛋係軟淋淋架啦！廢青！唔想食軟淋淋嘅野就過隔離間日本野拎舊木魚咬啦垃圾！」我即刻覺得好委屈，不過算啦, interview 就快開始。呢個機會真係好難得, 佢一嚟係大公司，又要first hon又要文武兼備先做得。所以雖然我覺得阿姐理虧，都決定唔同阿姐嘈，潛龍勿用。入到去間公司之後，幾經辛苦又做完筆試又in完又盛咁，個上左年紀嘅hr終於出嚟。佢話︰「大家都係叻仔嚟嘅，咁講一講啲待遇先，個salary方面係九千蚊......」咩野話？九千蚊？咁我去炸薯條唔好？我地在場5、6個interviewees都呆撚左。個hr見到我地咁樣，即刻話︰「九千蚊喎。阿仔我同你講呀，以前我地呢一代呀，有邊個無捱過呀下？你地呢代太幸福啦，坐個車又要嗌辛苦，開埋晒啲咩每日......咩每日吊高官塘老母，咩屯公迷......屯公謎語喎。屯門返官塘就好巴屎閉？以前我呀爸係東江縱隊……」就係咁，我地比佢吊高左半粒鐘。回程，我上左架62x，屯門公路大塞車。心如死灰嘅我喺ig story po左句「唉......屯公又塞......屌......」忽然，我女神 pm 我：「屯公又塞?」然後佢就輸入中。我心諗 yeah 總算可以得到少少嘅慰藉。終於，佢輸入完了！！「明知屯公會塞, 做乜唔搭地鐵？」